ସମ୍ବଲପୁର : ରାଜ୍ୟରେ ଦିନକୁ ଦିନ ବଢିବାରେ ଲାଗିଛି ଅପରାଧ । ଦିନ ଦ୍ୱି ପହରରେ ଓକିଲଙ୍କ ଠାରୁ ୧୫ ଲକ୍ଷ ଟଙ୍କା ଲୁଟିନେଲେ ଦୁବୃର୍ତ୍ତ। ଏପରି ଘଟଣା ଘଟିଛି ସମ୍ବଲପୁର ସଦର ଥାନା ଅନ୍ତର୍ଗତ ଗେଙ୍ଗୁଟିପାଲି ଶିବ ମନ୍ଦିର ଅଞ୍ଚଳରେ ।
ସୂଚନା ଅନୁସାରେ , ସମ୍ବଲପୁର କୁଳୁତକାନି ଅଞ୍ଚଳର ରାଜେଶ ସାହୁ ନାମକ ଜଣେ ବ୍ୟକ୍ତି ଏସବିଆଇ ମୁଖ୍ଯ ଶାଖାରରୁ 15 ଲକ୍ଷ ଟଙ୍କା ଉଠାଣ କରିଥିଲେ । ପରେ ଟଙ୍କାକୁ ନେଇ ବାଇକରେ ଜଣେ ବ୍ୟକ୍ତିଙ୍କୁ ଜମିବାଡି କିଣାବିକା ବାବଦରେ ଦେବା ପାଇଁ ଗେଙ୍ଗୁଟିପାଲିକୁ ଯାଇଥିଲେ । ବାଇକ ରଖି ଟଙ୍କା ବ୍ୟାଗ ଧରି ସେହି ବ୍ୟକ୍ତିଙ୍କୁ ଦେବା ପାଇଁ ଯାଉଥିବା ସମୟରେ ହଠାତ ଏକ ପଲସରରେ ପଛପଟୁ ଆସି ଟଙ୍କା ବ୍ୟାଗକୁ ଝାମ୍ପି ନେଇ ଫେରାର ହୋଇଯାଇଥିଲେ ଦୁଇ ଦୁବୃର୍ତ୍ତ ।
ଏହାବି ପଢନ୍ତୁ: ରାଜଧାନୀରେ ଚାଞ୍ଚଲ୍ୟ, ପ୍ରେମିକା ନାଁରେ ଚିଠି ଲେଖି ଝୁଲିପଡିଲେ ବ୍ୟବସାୟୀ
ତେବେ ସିସିଟିଭିରେ ଲୁଟ ସମୟର ଦୃଶ୍ୟ କଏଦ ହୋଇଛି । ଏହାକୁ ନେଇ ସଦର ଥାନାରେ ଲିଖିତ ଅଭିଯୋଗ କରାଯାଇଛି। ପୋଲିସ ଘଟଣାର ତଦନ୍ତ ଆରମ୍ଭ କରି ଲୁଟେରା ମାନଙ୍କୁ ଧରିବାକୁ ତଦନ୍ତ ଜାରି ରଖିଛି ।
ସମ୍ବଲପୁରରୁ ବାଦଶାହ ଜୁଷ୍ମନ ରଣା, ଇଟିଭି ଭାରତ
