ସମ୍ବଲପୁର: କେନ୍ଦ୍ର ସରକାରଙ୍କ ଦ୍ବାରା କାର୍ଯ୍ୟକାରୀ କରାଯାଇଥିବା ନୂତନ କୄଷି ଆଇନକୁ ପଶ୍ଚିମ ଓଡିଶା କୄଷକ ସଂଗଠନ ସମନ୍ନୟ ସମିତି ବିରୋଧ କରିଛି। ଏହାସହ ଆସନ୍ତା ୨୩ ତାରିଖରେ ବରଗଡ ଠାରେ ଏକ ବିଶାଳ କୃଷି ସମାବେଶ ହେବ। ଏନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି ।
ସମ୍ବଲପୁରରେ ହୋଇଥିବା ଏହି ସାମ୍ବାଦିକ ସମ୍ମିଳନୀରେ କୄଷକ ସଂଗଠନ ଆହୁରି ମଧ୍ୟ ସୂଚନା ଦେଇଛି ଯେ, ଜାନୁଆରୀ 26 ତାରିଖରେ ଦିଲ୍ଲୀରେ ଆନ୍ଦୋଳନ କରୁଥିବା ଚାଷୀଙ୍କ ଟ୍ରାକ୍ଟର ରାଲି ଆନ୍ଦୋଳନକୁ ପଶ୍ଚିମ ଓଡିଶା କୄଷକ ସଂଗଠନ ସମନ୍ନୟ ସମିତି ପୁରା ସମର୍ଥନ କରୁଛି ।
ଏହା ସହ କୄଷି ଆଇନ ବିରୋଧରେ ଆଗାମୀ ୨୩ ତାରିଖରେ ନେତାଜୀ ସୁବାଷ ବୋଷ ଜୟନ୍ତୀ ଓ ବୀର ସୁରେନ୍ଦ୍ର ସାଏ ଜୟନ୍ତୀ ଦିନ ବରଗଡ଼ ଗାନ୍ଧୀ ଛକ ଠାରେ ବିଶାଳ ରାଲି ସହ ସମାବେଶ କରାଯାଇ ବିରୋଧ ପ୍ରଦର୍ଶନ କରାଯିବ। ଏହି ଚାଷୀ ଆନ୍ଦୋଳନ ଏଥର ନିର୍ଣ୍ଣାୟକ ପର୍ଯ୍ୟାୟରେ ପହଞ୍ଚି ସାରିଥିବା ବେଳେ ଆଗାମୀ ଦିନରେ ଜୋରଦାର ଆନ୍ଦୋଳନ କରାଯିବ ବୋଳି ଚାଷୀ ସଂଗଠନ ଚେତାବନୀ ଦେଇଛି ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
