ସମ୍ବଲପୁର: ସମ୍ବଲପୁରରେ କେନ୍ଦ୍ରମନ୍ତ୍ରୀ ଗିରିରାଜ ସିଂ । ଗୁରୁବାର ସମ୍ବଲପୁର ବିଜେପି ପକ୍ଷରୁ ଗଙ୍ଗାଧର ମଣ୍ଡପରେ ଆୟୋଜିତ ସିଏଏ ସମର୍ଥିତ ଏକ ଜନସଭାରେ ଯୋଗ ଦେବାର କାର୍ଯ୍ୟକ୍ରମ ରହିଛି ।
କେନ୍ଦ୍ରମନ୍ତ୍ରୀ ଗିରିରାଜ ସିଂ ପ୍ରଥମେ ସମ୍ବଲପୁର ଆସି ଜେଲ ଛକରେ ଥିବା ବୀର ସୁରେନ୍ଦ୍ର ସାଏଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ପରେ ସହରର ବଳିବନ୍ଧା ଛକ, ଲକ୍ଷ୍ମୀ ଟକିଜ୍ ଛକ ଓ ଭୂତାପଡା ଛକରୁ ସିଏଏ ସମର୍ଥନରେ 3 ଟି ରାଲି ବାହାରି ଗଙ୍ଗାଧର ମଣ୍ଡପରେ ପହଞ୍ଚିବ । ଯେଉଁଠି ଜନସଭାର ଆୟୋଜନ ହୋଇଛି ।
ଏହି ଅବସରରେ କେନ୍ଦ୍ରମନ୍ତ୍ରୀ କହିଛନ୍ତି ଯେ, ସିଏଏକୁ ନେଇ କୌଣସି ଭାରତୀୟ ମୁସଲମାନ ନାଗରିକ ଭୟଭୀତ ହେବାର ଆବଶ୍ୟକତା ନାହିଁ । ବିରୋଧୀ କଂଗ୍ରେସ ସିଏଏ ନେଇ ଅପପ୍ରଚାର କରି କିଛି ସଂଖ୍ୟାଲଘୁକୁ ନେଇ ଆନ୍ଦୋଳନ କରାଉଛି । ଏଥିସହ ଦେଶ ବିଭାଜନ କରାଇବାକୁ ଚେଷ୍ଟା କରୁଛି । ସେ ଏହା ମଧ୍ୟ ଅଭିଯୋଗ କରିଛନ୍ତି, ପ୍ରକୃତରେ ସିଏଏ ଜରିଆରେ ଧାରା 370 ଉଚ୍ଛେଦ ଓ ରାମ ମନ୍ଦିରକୁ ନେଇ ସୁପ୍ରିମକୋର୍ଟଙ୍କ ନିଷ୍ପତ୍ତିକୁ କଂଗ୍ରେସ କରୁଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
