ସମ୍ବଲପୁର: ପରାଜୟର କାରଣ ଖୋଜିବା ନାଁରେ ଅପମାନିତ କରାଗଲା । ମୋତେ ଅପମାନିତ କରିବା ସହ ମୋ କର୍ମୀଙ୍କୁ ମାଡ ମରାଗଲା । କିଛି ନିର୍ଦ୍ଦିଷ୍ଟ ଦଳର ଏଜେଣ୍ଟ ବୋଲି ମୋତେ ଅଭିହିତ କରାଗଲା । ଯାହା ବହୁତ ଅପମାନଜନକ ଥିଲା ବୋଲି କଂଗ୍ରେସ ଛାଡିବା ପରେ ବୁର୍ଲା ମେଡିକାଲର ପୂର୍ବତନ ନିର୍ଦ୍ଦେଶକ ତଥା ସମ୍ବଲପୁରର କଂଗ୍ରେସ ବିଧାୟକ ପ୍ରାର୍ଥୀ ଡକ୍ଟର ଅଶ୍ବିନୀ ପୂଜାହାରୀ ପରୋକ୍ଷରେ କହିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ସେ ତାଙ୍କ ଇସ୍ତଫା ପତ୍ର କଂଗ୍ରେସର କେନ୍ଦ୍ର ଓ ରାଜ୍ୟ ନେତୃତ୍ବକୁ ପଠାଇଥିବା କହିଛନ୍ତି । ଗତ 26 ତାରିଖ ରାଜ୍ୟସ୍ତରୀୟ 2 ପର୍ଯ୍ୟବେକ୍ଷକଙ୍କ ଉପସ୍ଥିତିରେ ସମୀକ୍ଷା ବୈଠକ ଚାଲିଥିବାବେଳେ ତାଙ୍କୁ କିଛି ଦଳୀୟ କାର୍ଯ୍ୟକର୍ତ୍ତା ଗାଳିଗୁଳଜ କରି ଦୁର୍ବ୍ୟବହାର ପ୍ରଦର୍ଶନ କରିଥିଲେ । ଏହା ସହ ତାଙ୍କ ସମର୍ଥକଙ୍କୁ ମାଡ ମାରିଥିଲେ ।
ତେବେ ଇସ୍ତଫା ଦେବା ପରେ ଅଶ୍ବିନୀ ଏବେ ବାଙ୍ଗାଲୋରକୁ ଚାଲିଯିବେ ବୋଲି ଜଣାଇଛନ୍ତି ।
ସମ୍ବଲପୁରରୁ ବାଦଶାହ ଜୁସମନ ରଣା, ଇଟିଭି ଭାରତ
