ସମ୍ବଲପୁର: ୟୁପିଏସସି (UPSC) ପରୀକ୍ଷାରେ ସମ୍ବଲପୁରର ଯୁବକଙ୍କୁ ମିଳିଛି ସଫଳତା । ସମ୍ବଲପୁର ସହରର ଧନୁପାଲି ଅଞ୍ଚଳର ଅଶୋକ ବର୍ମା ଓ ବିନିତା ବର୍ମାଙ୍କ ପୁଅ ଅଙ୍କିତ ଏହି ସଫଳତା ପାଇଛନ୍ତି । ତେବେ ସେ ସର୍ବ ଭାରତୀୟ ସ୍ତରରେ 184 ରାଙ୍କ ପାଇଛନ୍ତି । ଆଉ ଏହି ସଫଳତା ପାଇଁ ସେ ଭଗବାନ ଓ ନିଜ ପରିବାରଵର୍ଗଙ୍କୁ ଶ୍ରେୟ ଦେଇଛନ୍ତି ।
UPSC ପରୀକ୍ଷାରେ ସଫଳତା ପାଇଲେ ସମ୍ବଲପୁରର ଅଙ୍କିତ ବର୍ମା
ତେବେ ସେ ଚେନ୍ନାଇ ସ୍ଥିତ ଏସଆରଏମ(SRM) ୟୁନିଭରସିଟିରେ ଗ୍ରାଜୁଏସନ ପାସ କରିବା ପରେ ପ୍ରଥମେ ଚାକିରୀ କରିଥିଲେ । ଆଉ ଏହାପରେ ସେ 2014 ମସିହାରୁ ଦିଲ୍ଲୀରେ ରହି ୟୁପିଏସସି ପାଇଁ ପ୍ରସ୍ତୁତି ଆରମ୍ଭ କରିଥିବା ନେଇ ସୂଚନା ମିଳିଛି ।
ସେପଟେ ସେ ତାଙ୍କ ପ୍ରତିକ୍ରିୟାରେ କହିଛନ୍ତି କି ଦେଶ ସେବା ପାଇଁ ସରକାରଙ୍କ ତରଫରୁ ଯେଉଁ ପଦଵୀ ମିଳିବ ତାଙ୍କୁ ସେ ଖୁସି ସହାକାରେ ଗ୍ରହଣ କରିବେ ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
