ରାଉରକେଲା: ଭାଇ ହେଲା ଭାଇର ହତ୍ୟାକାରୀ । ବଡ ଭାଇର କଟୁରୀ ଚୋଟରେ ସାନଭାଇର ମୃତ୍ୟୁ ହୋଇଛି । ରାଉକେଲାର ବନ୍ଧମୁଣ୍ଡା ଥାନା ବରକାନି ଅଞ୍ଚଳରେ ଘଟିଛି ଏଭଳି ଅଭାବନୀୟ ଘଟଣା । ହତ୍ୟା ପରେ ବଡ ଭାଇ ଥାନାରେ ଆତ୍ମସମର୍ପଣ କରିଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ମୃତ୍ୟୁବରଣ କରିଥିବା ସାନ ଭାଇ ହେଲେ ସମା ଏକ୍କା । ଖାସି ମାଂସକୁ ନେଇ ଦୁଇ ଭାଇ କକା ଏକ୍କା ଏବଂ ସମା ଏକ୍କା ମଧ୍ୟରେ କଳହ ହୋଇଥିଲା । ଏଥିରେ କକା ଏକ୍କା ଉତ୍ୟକ୍ତ ହୋଇ ସମା ଏକ୍କାଙ୍କୁ କଟୁରୀରେ ଆକ୍ରମଣ କରିଥିଲେ।
ଗାଁରେ ଜଣଙ୍କ ଘରେ ନାମକରଣ ଉତ୍ସବ ଥିଲା । ସେହି ସମୟରେ ଏହି ହତ୍ୟାକାଣ୍ଡ ହୋଇଥିଲା । କିଛି ପୁରୁଣା ପାରିବାରିକ ବିବାଦ ଏହି ହତ୍ୟାର କାରଣ ନା ଏହା ପଛରେ ଆଉ କୌଣସି କାରଣ ରହିଛି । ପୋଲିସ ହତ୍ୟାକାରୀ ଭାଇ କକା ଏକ୍କାକୁ ଅଟକ ରଖି ପୋଲିସ ଘଟଣାର ତଦନ୍ତ କରୁଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
