ରାଉରକେଲା: ସ୍ଥାୟୀ ଆରଟିଓ ନିଯୁକ୍ତି ଦାବିରେ ଧାରଣା । ରାଉରକେଲା ମାଇନିଂ ଅଞ୍ଚଳ ଟ୍ରକ ଟିପ୍ପର ସଂଘ ପକ୍ଷରୁ ଏହି ଧାରଣା ଦିଆଯାଇଛି । ରାଉରକେଲା ଆଞ୍ଚଳିକ ପରିବହନ କାର୍ଯ୍ୟାଳୟ ସମ୍ମୁଖରେ ସଂଘର କାର୍ଯ୍ୟକର୍ତ୍ତା ଧାରଣାରେ ବସିଛନ୍ତି।
ଏହାସହ ନୂତନ ମୋଟର ଯାନ ଆଇନ ଯୋଗୁଁ ଲାଇସେନ୍ସ ,ଫିଟନେସ ଆଦି ଲାଗି ଆରଟିଓ କାର୍ଯ୍ୟାଳୟରେ ପ୍ରବଳ ଭିଡ ହେଉଥିବାରୁ ଲୋକେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି । ସେଥପାଇଁ ସିଙ୍ଗଲ ୱିଣ୍ଡୋ ମାଧ୍ୟମରେ ଲୋକଙ୍କ ସବୁ କାମ କରିବାକୁ ଦାବି କରିଛନ୍ତି ସଂଘର କାର୍ଯ୍ୟକର୍ତ୍ତା ।
ସ୍ଥାୟୀ ଆରଟିଓ ନିଯୁକ୍ତି ଦାବିରେ ଧାରଣା
ତେବେ ପାନପୋଷ ଉପଜିଲ୍ଲାପାଳ ବିଶ୍ବଜିତ ମହାପାତ୍ର ଏବେ ଆରଟିଓ ଦାୟୀତ୍ବରେ ଅଛନ୍ତି । ସେ କହିଛନ୍ତି ଯେ, ଏବେ କାମ ଠିକ ଚାଲିଛି , ରେଭେନ୍ୟୁ ବଢିଛି , ଲୋକଙ୍କ ସୁବିଧା ହେଉଛି । ଏହି ଧାରଣା କିଛି ନ୍ୟସ୍ତସ୍ବାର୍ଥ ଗୋଷ୍ଠୀ ବ୍ୟକ୍ତିଙ୍କ ଦ୍ବାରା ପ୍ରାୟୋଜିତ ବୋଲି ଆରଟିଓ ଦାୟୀତ୍ବରେ ଥିବା ଅଧିକାରୀ କହିଛନ୍ତି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
