ରାଉରକେଲା: ରାଉରକେଲା ବିରମିତ୍ରପୁରରେ ରବିବାର ଦିନ ଉଦଘାଟିତ ହୋଇଥିବା ପ୍ରସିଦ୍ଧ ଗୁପ୍ତେଶ୍ଵର ମେଳାକୁ ପୋଲିସ ପ୍ରଶାସନ ପକ୍ଷରୁ ବନ୍ଦ କରିଦିଆଯାଇଛି । ଏହାକୁ ନେଇ ମେଳାରେ ଦୋକାନ କରିଥିବା ବ୍ୟବସାୟୀ ଏବଂ ପୋଲିସ ମୁହାଁମୁହିଁ ହୋଇଥିଲେ ।
ରାଉରକେଲାର ଗୁପ୍ତେଶ୍ଵର ମେଳାକୁ ପୋଲିସ ପ୍ରଶାସନ ପକ୍ଷରୁ ବନ୍ଦ
ବହୁ ଦୂର ଦୂରାନ୍ତରୁ ବ୍ୟବସାୟୀମାନେ ଆସି ଏଠାରେ ନିଜର ବ୍ୟବସାୟ ମେଳାଇ ଥିବାରୁ ମେଳା ବନ୍ଦ ହେଲେ ବ୍ୟାପକ କ୍ଷତି ହେବ ବୋଲି କହିଥିଲେ । କିନ୍ତୁ କରୋନା ଭାଇରସ ପ୍ରତିଷେଧକ ସ୍ୱରୂପ ଜନସମାଗମ ନକରିବାରୁ ସରକାରଙ୍କ ନିର୍ଦ୍ଦେଶ ଥିବାରୁ ମେଳା ହୋଇପାରିବ ନାହିଁ ବୋଲି ପୋଲିସ ରୋକଠୋକ କହିଥିଲେ ।
ମେଳାକୁ ବୁଲି ଆସିଥିବା ଲୋକମାନେ ଏଠାରୁ ନିରାଶ ହୋଇ ଫେରି ଯାଉଥିବାର ଦେଖିବାକୁ ମିଳିଥିଲା । ଏହି ମେଳା ସମୟରେ ବିରମିତ୍ରପୁର ସହର ଉତ୍ସବ ମୁଖର ଥାଏ କିନ୍ତୁ ମେଳା ବନ୍ଦ ହେବାରୁ କେବଳ ଦୋକାନୀ ନୁହେଁ ସ୍ଥାନୀୟ ବାସିନ୍ଦା ମାନେ ମଧ୍ୟ ନିରାଶ ହୋଇଥିଲେ ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
