ରାଉରକେଲା: ତରକେରା ଡ୍ୟାମରେ ଗାଧୋଉଥିବା ବେଳେ ଜଣେ ନାବାଳକ ବୁଡି ନିଖୋଜ ହୋଇଯାଇଛନ୍ତି । ଅଗ୍ନିଶମ ବିଭାଗ ପହଞ୍ଚି ଖୋଜାଖୋଜି ଜାରି ରଖିଛି ।
ଭିଡିଓ ସୌଜନ୍ୟ: ସମ୍ବଦଦାତା, ରାଉରକେଲା
4 ବନ୍ଧୁ ଗାଧୋଉଥିବା ବେଳେ ଏହି ଅଘଟଣ ଘଟିଛି । 3 ଜଣଙ୍କୁ ସ୍ଥାନୀୟ ଲୋକେ ଉଦ୍ଧାର କରିଥିବା ବେଳେ ଅନ୍ୟଜଣେ ନିଖୋଜ ଅଛନ୍ତି । ମିଳିଥିବା ଖବର ଅନୁସାରେ, ଉଦିତନଗର ହାଇସ୍କୁଲର ଅଷ୍ଟମ ଶ୍ରେଣୀରେ ଆଶିଷ ବଡ଼ିକ, ଯହିଦ କାଦୃ, ତାପସ ଓ ବିଶ୍ଵଜିତ ଚିତ୍ରାଙ୍କନ ପ୍ରତିଯୋଗିତା ଥିବା କଥା ଘରେ କହିଥିଲେ । ଏହାପରେ 2 ଟି ସାଇକେଲ ଧରି ବୁଲିବାକୁ ବାହାରି ଯାଇଥିଲେ ।
ତେବେ 4 ଜଣ ଡ୍ୟାମରେ ବୁଡିଯାଉଥିବାବେଳେ ସ୍ଥାନୀୟ ଯୁବକ ମାନେ 3 ଜଣଙ୍କୁ ଉଦ୍ଧାର କରିଥିଲେ । କିନ୍ତୁ ଆଶିଷ ନିଖୋଜ ଥିବାରୁ ଅଗ୍ନିଶମ ବିଭାଗକୁ ଡକାଯାଇଥିଲା । ତେବେ ନାବାଳକ ମାନେ ରଘୁନାଥପଲ୍ଲୀ ଅଞ୍ଚଳର ବୋଲି ଜଣାପଡିଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
