ରାଉରକେଲା: ବିରମିତ୍ରପୁର ଥାନା ଅଧିନସ୍ଥ ଖୁକୁଣ୍ଡବହଲ ଜଙ୍ଗଲରେ ହୋଇଥିବା ଗଣଦୁଷ୍କର୍ମ ଘଟଣାରେ 3 ଗିରଫ । ଗିରଫ ଅଭିଯୁକ୍ତ ମାନେ ହେଲେ ବିଜୟ ଓରାମ, ରଞ୍ଜିତ ଟପ୍ପୋ ଓ ସଞ୍ଜିତ ଟପ୍ପୋ । ଶୁକ୍ରବାର 3ଜଣଙ୍କୁ ଗିରଫ କରି କୋର୍ଟଚାଲାଣ କରିଛି ପୋଲିସ ।
ଖୁକୁଣ୍ଡବହଲ ଜଙ୍ଗଲରେ ଗଣଦୁଷ୍କର୍ମ ଘଟଣା, 3 ଅଭିଯୁକ୍ତ ଗିରଫ
ସୂଚନା ଅନୁସାରେ, ଗତ ମଙ୍ଗଳବାର ପୀଡିତାଙ୍କୁ ଫୋନ କରି ଦେଖାକରିବାକୁ ଡାକିଥିଲେ ଅଭିଯୁକ୍ତ ସଞ୍ଜୀତ । ପୀଡିତା ନିଜର ଜଣେ ବାନ୍ଧବୀଙ୍କୁ ନେଇ ଦେଖା କରିବାକୁ ଆସିଥିଲେ । ହେଲେ ହଠାତ୍ ସେଠାରେ ପହଞ୍ଚିଥିଲେ ବିଜୟ ଓରାମ ଓ ରଞ୍ଜିତ ଟପ୍ପୋ । ସେମାନେ ମିଳିମିଶି 2ଯୁବତୀଙ୍କୁ ନିକଟସ୍ଥ ଜଙ୍ଗଲକୁ ଟେକି ନେଇଯାଇଥିଲେ । ସେଠାରୁ କୌଶଳ କ୍ରମେ ଖସି ଆସିଥିଲେ ଅନ୍ୟଜଣେ ଯୁବତୀ । ପୀଡିତାଙ୍କୁ ସେଠାରେ ଗଣଦୁଷ୍କର୍ମ କରାଯାଇଥିବା ଅଭିଯୋଗ ହେବା ପରେ ତଦନ୍ତ ଆରମ୍ଭ କରିଥିଲା ପୋଲିସ । ଶୁକ୍ରବାର ସମସ୍ତ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି ପୋଲିସ ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
