ରାଉରକେଲା: ରଘୁନାଥପଲ୍ଲୀ ଥାନା ଅଞ୍ଚଳରେ ଥିବା ଏକ ହୋଟେଲରେ ଆଜି ପୋଲିସ ଅଚାନକ ଚଢାଉ କରିଥିଲା । 6 ଟି ହୁକ୍କା ସହିତ ତମ୍ବାଖୁ ପ୍ୟାକେଟ ଗୁଡିକ ମଧ୍ୟ ଏଠାରୁ ଜବତ କରିଛି ପୋଲିସ ।
ସହରରେ ଅବୈଧ ଭାବରେ ଚାଲୁଥିବା ହୁକ୍କା ବାରର ପ୍ରଭାବ ଯୁବକ ଯୁବତୀ ମାନଙ୍କ ଉପରେ ପଡୁଥିବାରୁ ଏହା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ନୂଆ ଏସପିଙ୍କ ନିର୍ଦ୍ଦେଶ କ୍ରମେ ପୋଲିସ ତାର କାର୍ଯ୍ୟାନୁଷ୍ଠାନ ଆରମ୍ଭ କରିଛି ।
ସହରରେ ଯୁବକ ଯୁବତୀ ମାନେ ଡ୍ରଗ୍ସ ତଥ ହୁକ୍କା ବାରର ଶିକାର ହେଉଥିବା ଦେଖା ଯାଇଛି । ଯାହାଫଳରେ ବ୍ୟବସାୟ ଲକ୍ଷ୍ୟରେ କିଛି ହୋଟେଲରେ ହୁକ୍କା ବାର ଭଳି ବେଆଇନ ନିଶା କାରବାର ଖୋଲାଖୋଲି ଚାଲିଥିବା ଦେଖାଯାଇଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
