ରାଉରକେଲା: ଗିରଫ ହେଲା ଝାଡଖଣ୍ଡ-ଓଡିଶା ସୀମାନ୍ତର ମାଓ ସଙ୍ଗଠନ PLFIର ଏରିଆ କମାଣ୍ଡର ସୁଦାମ ସିଂ । ଗୁରୁବାର ରାଉଲକେଲା ପୋଲିସ ତାକୁ ଧରିବାରେ ସକ୍ଷମ ହୋଇଛି । ତା ପାଖରୁ ଦେଶୀ ପିସ୍ତଲ ଓ ଗୁଳି ଜବତ ହୋଇଛି। ଦୀର୍ଘଦିନ ଧରି ସେ ଝାଡଖଣ୍ଡର ବାନୋ ଓ ଜଳଡେଗା ସମେତ ଓଡିଶାର ବିଶ୍ରା ଓ ହାତିବାରି ଥାନା ଅଞ୍ଚଳରେ ଆତାଙ୍କରାଜ ଚଲାଇଆସୁଥିଲା ।
ଫଟୋ ସୌଜନ୍ୟ-ସମ୍ବାଦଦାତା, ରାଉରକେଲା
15ଟି ମାମଲାର ସେ ସମୃକ୍ତ ଥିବା ନେଇ ଜଣାପଡିଛି । ଯେଉଁଥିରେ 7ଟି ମର୍ଡର କେସ ଓ ବ୍ୟାଙ୍କ ଲୁଟ, ଆକ୍ରମଣ , ବଟି ଆଦାୟ ଭଳି ବଡ ବଡ ଜଘନ୍ୟ ଘଟଣା ରହିଛି । ରାଉରକେଲା ଏସପି କେ. ଶିବା ସୁବ୍ରମଣି ଡ଼ିଆଇଜି କବିତା ଜାଲାନ ଏନେଇ ସୂଚନା ଦେଇଛନ୍ତି ।
ସୁଦାମ ଝାଡଖଣ୍ଡ ସିମଡେଗା ଜିଲ୍ଲା ବାନୋ ଥାନା ଅନ୍ତର୍ଗତ ବଡ଼ଇକତୋଲା ଗ୍ରାମର ବୋଲି ଜଣାପଡିଛି । ଏଠାକାର ବାନୋ ଓ ଜଳଡେଗା ଥାନାରେ ସେ ହତ୍ୟାକାଣ୍ଡ ଭିଆଇଥିବା ମାମଲାରେ ପୋଲିସ ତାକୁ ଖୋଜୁଥିଲା ।
ରାଉଲକେଲାରୁ ରାଜେନ୍ଦ୍ର ପ୍ରସାଦ ମିଶ୍ର, ଇଟିଭି ଭାରତ
