ରାଉରକେଲା: ରାଉରକେଲା ଏନଆଇଟିର ଏମଟେକ ଛାତ୍ରଙ୍କ ଶୋଚନୀୟ ମୃତ୍ୟୁ । ଏମଟେକ ଦ୍ଵିତୀୟ ବର୍ଷ ଛାତ୍ର ବାସୀମ ହୁସେନ ଶନିବାର ଫୁଟବଲ ଖେଳିବା ସମୟରେ ହଠାତ ଅସୁସ୍ଥ ହୋଇ ମୃତ୍ୟବରଣ କରିଛନ୍ତି । ସେ କେରଳ ବାସିନ୍ଦା ହୋଇଥିବା ବେଳେ ତାଙ୍କ ବାପାଙ୍କ ନାଁ ମୁନୀର.ଏନ ।
ଫୁଟବଲ ଖେଳିବା ସମୟରେ ପଡିଆରେ ବାସୀମ ହଠାତ ଅସୁସ୍ଥ ହୋଇପଡିଥିଲେ । ତାଙ୍କୁ ତୁରନ୍ତ ଚିକିତ୍ସା ପାଇଁ ସିଡବ୍ଲ୍ୟୁସି ହସ୍ପିଟାଲକୁ ନିଆଯାଇଥିଲା । ମାତ୍ର ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ପୁଣି ତାଙ୍କୁ ଆଇଜିଏଚ ଅଣାଯାଇଥିଲା ।
ଆଉ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଘଟଣାର ଖବର ପାଇ ଏନଆଇଟି କର୍ମଚାରୀ ତଥା ଛାତ୍ର ମନେ ହସ୍ପିଟାଲରେ ପହଞ୍ଚିଥିଲେ । ମୃତଦେହକୁ ହସ୍ପିଟାଲରେ ରଖାଯାଇଥିବା ବେଳେ ମୃତ ବାସୀମଙ୍କ ପରିବାରକୁ ଏ ସମ୍ପର୍କରେ ଖବର ଦିଆଯାଇଥିବା ସୂଚନା ରହିଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
