ରାଉରକେଲା: ବୀରମିତ୍ରପୁର ଥାନା ଅନ୍ତର୍ଗତ କଚାରୁ ପଞ୍ଚାୟତର ଚଟକଟୋଳା ଗାଁରେ ଅଭାବନୀୟ ଘଟଣା । ଜଣେ ନିରୀହକୁ ମାଡ ମାରିଲେ ଗାଁ ଲୋକେ । ଜଣେ ଯୁବକକୁ ପିଲା ଚୋର ଭାବି ନିସ୍ତୁକ ମାଡ ମାରିବା ପରେ ପୋଲିସରେ ଜିମା ଦେଲେ ଗ୍ରାମବାସୀ ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ସୂଚନା ଅନୁସାରେ ଜଣେ ଅଜଣା ଯୁବକ ବୁଲୁ ବୁଲୁ ଚଟକଟୋଳା ଗାଁ ଭିତରକୁ ପଶି ଆସିଥିଲା । ଗାଁ ଲୋକେ ତାକୁ ଦେଖି ପିଲାଚୋର ଭାବି ନିର୍ଦ୍ଧୁମ ପିଟିଥିଲେ । ପରେ ତାକୁ ପୋଲିସ ହାତରେ ହସ୍ତାନ୍ତର କଲେ । ଯୁବକ ଜଣକ ମାନସିକ ବିକାରଗ୍ରସ୍ତ ବୋଲି ଜଣାପଡିଛି । ବିଭିନ୍ନ ଗାଁରେ ଏଭଳି ଘଟଣା ବାରମ୍ବାର ହେଉଥିବା ସତ୍ତ୍ବେ ପୋଲିସ କିମ୍ବା ପ୍ରଶାସନ ସଚେତନତା ପାଇଁ କୌଣସି ପଦକ୍ଷେପ ଉଠାଉନାହିଁ । ଫଳରେ ଏଭଳି ଅତ୍ୟାଚାର ଦିନକୁ ଦିନ ବୃଦ୍ଧି ପାଇବାରେ ଲାଗିଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
