ରାଉରକେଲା: କିଛି ଦିନ ତଳେ ନଜରକୁ ଆସିଥିଲା ଜଣେ ସିଆରପିଏଫ ଯବାନଙ୍କ ଠାରୁ ଲୁଟ ଘଟଣା । ଯେଉଁଥିରେ ଯବାନଙ୍କ ଏଟିଏମ କାର୍ଡ ବ୍ୟବହାରରେ ମୋଟ 1ଲକ୍ଷ 6 ହଜାର ଟଙ୍କା ଗାୟବ କରିଥିଲା ଠକ। ଘଟଣା ସମ୍ପର୍କରେ ରେଲୱେ ପୋଲିସ ପାଖରେ ଏତଲା ଦେବା ପରେ ସିସିଟିଭି କ୍ୟାମେରାରେ କଏଦ ହୋଇଛି ଠକର ଫଟୋ । ଯାହାକୁ ନେଇ ଏବେ ଠକକୁ ଧରିବା ପ୍ରକ୍ରିୟା ଆରମ୍ଭ କରିଛି ପୋଲିସ।
କିଛିଦିନ ତଳେ ଚର୍ଚ୍ଚାକୁ ଆସିଥିଲା ସିଆରପିଏଫ ଯବାନଙ୍କ ଠାରୁ ଲୁଟ ଘଟଣା । ଯବାନ ଜଣଙ୍କ ଝାଡଖଣ୍ଡ ମନୋହରପୁରର 174 ବାଟାଲିୟନର କମ୍ପାନୀରେ କାର୍ଯ୍ୟରତ ସନାତନ ମିଶାଲ। ସେ ରାଜ୍ୟରାଣୀ ଏକ୍ସପ୍ରେସରେ ଆସି 4 ନଂ ପ୍ଲାଟଫର୍ମରେ ଥିବା ବେଳେ ଏହି ଲୁଟ ହୋଇଥିଲା । ଯେଉଁଥିରେ ନିଜକୁ ଜଣେ ଯବାନ କହି ନିଶାଯୁକ୍ତ ପାନୀୟ ପିଆଇଥିଲା ଦୁର୍ବୃତ୍ତ ଓ ପରେ ଅଚେତ ଯବାନଙ୍କ ଠାରୁ ଏଟିଏମ କାର୍ଡ ନେଇ ବିଭିନ୍ନ ସ୍ଥାନରୁ ଟଙ୍କା ଉଠାଇଥିଲା ଦୁର୍ବୃତ୍ତ । ଏନେଇ ମେସେଜ ଦେଖିବା ପରେ ଅଚେତ ଯବାନ ସନାତନଙ୍କୁ ତାଙ୍କ ପତ୍ନୀ ଖବର କରିଥିଲେ।
ପରେ ଏନେଇ ରେଲୱେ ପୋଲିସକୁ ଖବର କରିଥିଲେ ସନାତନ । ଯାହାର ତଦନ୍ତରେ ସିସିଟିଭି ଫୁଟେଜ ଯାଞ୍ଚ କରିବାରୁ ସେଥିରୁ ଠକକୁ ଚିହ୍ନଟ କରିଥିଲେ ସନାତନ । ଏଥିସହ ଟ୍ରାକ ରେକର୍ଡରୁ ଜଣା ପଡିଥିଲା କି ଗୋଟିଏ ଦିନରେ ସେ ବିଭିନ୍ନ ସ୍ଥାନରୁ ମୋଟ 1ଲକ୍ଷ 6ହଜାର ଟଙ୍କା ହଡପ କରିଛି। ଠକ ମୁଖ୍ୟତଃ ଯବାନଙ୍କୁ ଟାର୍ଗେଟ କରୁଥିବା ମଧ୍ୟ ଜଣାପଡିଛି।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
