ରାଉରକେଲା: ଜମ୍ମୁ କାଶ୍ମୀରରୁ ୩୭୦ ଧାରା ତଥା 35 ଏ ଉଠିବା ନେଇ ମତ ରଖିଲେ ପୂର୍ବତନ କେନ୍ଦ୍ର ମନ୍ତ୍ରୀ ତଥା ସାଂସଦ ଜୁଏଲ ଓରାମ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ଏକତା ତଥା ଅଖଣ୍ଡତା ତଥା ବିକାଶ ପାଇଁ ପ୍ରୟାସ ଜାରିରଖିଛନ୍ତି । ଧାରା 370 ଉଚ୍ଛେଦ ଓ ଟ୍ରିପଲ ତଲାକ ବିଲ୍ ପାରିତ କରି ମୁସଲମାନ ମହିଳାଙ୍କୁ ନ୍ୟାୟ ପ୍ରଦାନ କରି ଥିବାରୁ ମୋଦିଙ୍କୁ ଧନ୍ୟବାଦ ଦେଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା,ରାଉରକେଲା
ରାଉରକେଲାରେ ଆୟୋଜିତ ସାମ୍ବାଦିକ ସମ୍ମିଳନୀରେ ସେ ମୋଦିଙ୍କୁ ଧନ୍ୟବାଦ ଦେଇଛନ୍ତି। ପ୍ରଧାନମନ୍ତ୍ରୀ ମୋଦି,ଗୃହମନ୍ତ୍ରୀ ସହିତ ମନ୍ତ୍ରୀମଣ୍ଡଳ ପୁରୁଣା ଦାବି ପୁରା କରିଛନ୍ତି । ଏହି ନିଷ୍ପତି ଦ୍ବାରା କାଶ୍ମୀରବାସୀ ବେଶ ଖୁସି ଅଛନ୍ତି । ଲଦାଖରେ କେନ୍ଦ୍ରରୁ ସିଧାସଳଖ ଅନୁଦାନ ଲୋକ ପାଇ ପାରିବେ।
ସାମ୍ବାଦିକ ସମ୍ମିଳନୀରେ ଓରାମଙ୍କ ସହ କିଶନ ପ୍ରସାଦ ସାହୁ,ଧୀରେନ ସେନାପତି,ଜଗବନ୍ଧୁ ବେହରା,ନିହାର ରାୟ ପ୍ରମୁଖ ଉପସ୍ଥିତ ଥିଲେ।
ରାଉରକେଲରୁ ରାଜେନ୍ଦ୍ରନାଥ ମିଶ୍ର,ଇଟିଭି ଭାରତ
