ରାଉରକେଲା: କୋରୋନା ମହାମାରୀକୁ ନେଇ ଦେଶବ୍ୟାପୀ ଲକଡାଉନ ଚାଲିଥିବା ବେଳେ ଯାତାୟତ ସବୁଆଡ଼େ ଠପ ହୋଇଯାଇଛି । ଫଳରେ ବିଦେଶରେ ଫସି ରହିଛନ୍ତି କିଛି ଲୋକେ । ଏଭଳି ସ୍ଥିତିରେ ଠକାମିର ଶିକାର ହୋଇଛନ୍ତି 40 ଶ୍ରମିକ ।
ଠକାମିର ଶିକାର ହେଲେ 40 ଶ୍ରମିକ
ସୂଚନାମୁତାବକ, ସୁନ୍ଦରଗଡ଼ ଜିଲ୍ଲା ହାତିବାଡ଼ିରୁ ଝାଡ଼ଖଣ୍ଡ ପହଞ୍ଚାଇବା ପ୍ରଲୋଭନ ଦେଖାଇ ପ୍ରତ୍ୟେକ ଶ୍ରମିକଙ୍କଠାରୁ 2 ହଜାର ଟଙ୍କା ନେଇଥିଲେ ଜଣେ ଟ୍ରକ ଚାଳକ । ଫଳରେ ଆଗରେ ପୋଲିସ ଯାଞ୍ଚ ଚାଲିଥିବା କହି ପୁରୁଣାପଣିରେ ସମସ୍ତ ଶ୍ରମିକଙ୍କୁ ଓହ୍ନାଇ ଫେରାର ହୋଇଯାଇଥିଲେ ଟ୍ରକ ଚାଳକ । କିନ୍ତୁ ଏହି ଗାଡ଼ି ଚାଳକକୁ ଧରିବାରେ ସଫଳ ହୋଇଛି ବିରମିତ୍ରପୁର ପୋଲିସ । ଏହା ସହ ଝାରଖଣ୍ଡର ଶ୍ରମିକମାନଙ୍କୁ ପୋଲିସ ଉଦ୍ଧାର କରି ସେମାନଙ୍କ ରହିବା ଓ ଖାଇବା ବ୍ୟବସ୍ଥା କରାଯାଉଛି ।
ସବୁଠାରୁ ବିଡମ୍ବନାର ବିଷୟ ଯେ, କିଛି ବ୍ୟକ୍ତି ଏହି ଲକଡାଉନ ସମୟରେ ଲୋକଙ୍କୁ ସହଯୋଗର ହାତ ବଢାଇଥିବା ବେଳେ କିଛି ଠକ ବ୍ୟକ୍ତି ଏହାର ଫାଇଦା ଉଠାଉଛନ୍ତି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
