ରାଉରକେଲା: ବ୍ରାହ୍ମଣୀ ତରଙ୍ଗ ଥାନା ଅନ୍ତର୍ଗତ ଶିଖରଚଣ୍ଡୀ ଫରେଷ୍ଟ ରୋଡ଼ରେ ପୋଲିସ ଏନକାଉଣ୍ଟର । ଏଥିରେ ଦୁର୍ଦ୍ଦାନ୍ତ ଅପରାଧୀ ଅନିଲ ତିର୍କୀ ଗୁରୁତର ଆହତ ହୋଇଛି । ତାକୁ ଗୁରୁତର ଅବସ୍ଥାରେ ପ୍ରଥମେ ଆରଜିଏଚ ପରେ ଆଇଜିଏଚ ମେଡିକାଲକୁ ସ୍ଥାନାନ୍ତର କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ସୂଚନା ଅନୁଯାୟୀ, ଅନିଲକୁ ପୋଲିସ ଧରିବାକୁ ଉଦ୍ୟମ କରୁଥିବାବେଳେ ସେ ପୋଲିସ ଉପରକୁ ଗୁଳି ଚାଳନା କରିଥିଲା । ପାଲଟା ଜବାବରେ ପୋଲିସ ମଧ୍ୟ ଅନିଲ ଉପରକୁ ଗୁଳିମାଡ କରିଥିଲା । ଗୁଳି ଅନିଲର ଡାହାଣ ଗୋଡରେ ବାଜିଛି । ତାକୁ ଚିକିତ୍ସା ପାଇଁ ଆଇଜିଏଚ ମେଡିକାଲରେ ଭର୍ତ୍ତି କରାଯାଇଛି ।
ପୋଲିସ ତା ନିକଟରୁ ଏକ ବାଇକ ସହ 3ଟି ଜୀବନ୍ତ ଗୁଳି ଜବତ କରିଛି । ତା ନାମରେ 15ରୁ ଊର୍ଦ୍ଧ୍ୱଅପରାଧିକ ମାମଲା ରହିଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
