ରାଉରକେଲା: ବିଶ୍ରା ରେଞ୍ଜରେ ଏକ ମାଈ ହାତୀର ମୃତ୍ୟୁ ଅଭିଯୋଗ । ରାଉରକେଲା ଫରେଷ୍ଟ ଡିଭିଜନର ବିଶ୍ରା ରେଞ୍ଜର କୁଡହୁଡଙ୍ଗର ଖମାନଟୋଳିରେ ଏକ ମାଈ ହାତୀର ମୃତ୍ୟୁ ହୋଇଛି। ମୃତ ହାତୀର ବୟସ ପାଖାପାଖି 15 ବର୍ଷ ହେବ ବୋଲି କୁହାଯାଉଛି । ଏହି ଖବର ପାଇଁ ବନ ବିଭାଗ ଘଟଣାସ୍ଥଳରେ ପହଞ୍ଚି ମୃତ ହାତୀକୁ ଉଦ୍ଧାର କରିଛି ।
ବିଶ୍ରା ରେଞ୍ଜରେ ମାଈ ହାତୀର ମୃତ୍ୟୁ
ତେବେ ମୃତ ମାଈ ହାତୀର ଶରୀରରେ କୌଣସି କ୍ଷତ ବିକ୍ଷତର ଚିହ୍ନ ନଥିବାରୁ ଏହା କୌଣସି ଦୁର୍ଘଟଣା ଜନିତ ନୁହେଁ ବଂର ପ୍ରାକୃତିକ ଉପାୟରେ ମୃତ୍ୟୁ ବୋଲି ପ୍ରାଥମିକ ତଦନ୍ତରୁ ଡିଏଫଓ କହିଛନ୍ତି । ମାତ୍ର ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ସେ କହିଛନ୍ତି ।
ରାଉରକେଲାରୁ ରାଜେନ୍ଦ୍ର ପ୍ରସାଦ ମିଶ୍ର, ଇଟିଭି ଭାରତ
