ରାଉରକେଲା: ଷ୍ଟିଲ ସିଟିରେ ଭୟଙ୍କର ହେଉଛି କୋରୋନା ସ୍ଥିତି । ଏନେଇ ସୁନ୍ଦରଗଡ ଜିଲ୍ଲାପାଳ ନିଖିଲ ପବନ କଲ୍ୟାଣ ରାଉରକେଲା ସହରକୁ ସପ୍ତାହରେ 2 ଦିନ ସଟଡାଉନ କରିବାକୁ ଘୋଷଣା କରିଛନ୍ତି । ସପ୍ତାହର ଶେଷ ଦିନ ଶନିବାର ଓ ରବିବାର ସଟଡାଉନ ହେବା ନେଇ ସୂଚନା ଦିଆଯାଇଛି ।
ଏହା 11 ଜୁଲାଇ ରୁ ଆରମ୍ଭ ହୋଇ 31 ଜୁଲାଇ ପର୍ଯ୍ୟନ୍ତ ଚାଲିବ । ରାଉରକେଲା ସହର ସହ କଳୁଙ୍ଗା ଶିଳ୍ପାଞ୍ଚଳ ଲାଗି ମଧ୍ୟ ସଟଡାଉନ କଟକଣା ଲାଗୁ କରାଯାଇଛି । ତେବେ ଏହି ସଚଡାଉନ ସମୟରେ ଔଷଧ ଦୋକାନ, ମେଡିକାଲ ସେବା ଆଦି ଜାରି ରହିବ । ତେଜରାତି ଏବଂ କ୍ଷୀର କାଉଣ୍ଟର ସକାଳ 6 ରୁ ଦିନ 2ଟା ପର୍ଯ୍ୟନ୍ତ ଖୋଲା ରହିବ ବୋଲି ଏହି ନିର୍ଦ୍ଦେଶନାମାରେ ଦର୍ଶାଯାଇଛି ।
ରାଉରକେଲା ମହାନଗର ନିଗମ ଅଞ୍ଚଳ, ଇସ୍ପାତ ସହର ତଥା କଳୁଙ୍ଗା ଶିଳ୍ପାଞ୍ଚଳ ପାଇଁ ଏହି ନିର୍ଦ୍ଦେଶ ଲାଗୁ କରାଯାଇଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
