ରାଉରକେଲା: ଫନି ପାଇଁ ହରଡଘଣାରେ ତୀର୍ଥଯାତ୍ରୀ । ଯାହାଫଳରେ ଓଡିଶାରେ ଫସି ରହିଛନ୍ତି ୟୁପି ଓ ଦେଶ ବାହାରୁ ଆସିଥିବା ଅନେକ ଯାତ୍ରୀ । ଏମାନେ ପୁରୀ ପାଇଁ ତୀର୍ଥଯାତ୍ରାରେ ଆସିଥିଲେ କିନ୍ତୁ ଫନି ଯୋଗୁଁ ରାଉରକେଲା ଷ୍ଟେସନରେ ଅଟକି ରହିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ଫସି ରହିଥିବା ତୀର୍ଥଯାତ୍ରୀଙ୍କ ପାଇଁ ରେଳ ବିଭାଗ ତରଫରୁ କୌଣସି ବ୍ୟବସ୍ଥା କରାଯାଇନାହିଁ। ଏହାସହ ବାତ୍ୟା ବିଷୟରେ କୌଣସି ଖବର ତାଙ୍କ ପାଖରେ ନଥିବା ଯାତ୍ରୀମାନେ ପ୍ରକାଶ କରିଛନ୍ତି।
ସୂଚନା ଅନୁସାରେ, ରାତିରେ ଉତ୍କଳ ଏକ୍ସପ୍ରେସରେ ରାଉରକେଲା ଆସିବାପରେ ଘୋଷଣା କରାଯାଇଥିଲା କି ପୁରୀ ରେ ପ୍ରଳୟଙ୍କରୀ ବାତ୍ୟା ଫନି ଯୋଗୁଁ ଟ୍ରେନ ସେବାକୁ ବାତିଲ କରାଯାଇଛି।
ଏହାପରେ ରାତିରୁ ଶତାଧିକ ମହିଳା ପୁରୁଷ ଷ୍ଟେସନରେ ବର୍ଷା,ଶୀତରେ ପଡି ରହିଛନ୍ତି। ପୁରୀରୁ ଅନ୍ୟ ଟ୍ରେନରେ ମଧ୍ୟ ଟିକେଟ କରିଛନ୍ତି କିନ୍ତୁ ରେଲୱେ କିଛି ସହାୟତା କରୁନଥିବାରୁ ଟିକେଟ ଥାଇ ମଧ୍ୟ ଯାତ୍ରୀ କଷ୍ଟ ଭୋଗୁଛନ୍ତି।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
