ରାଉରକେଲା: ଲାଞ୍ଚ ନେଇ ଧରାପଡ଼ିଲେ ବରିଷ୍ଠ କିରାଣୀ । ଇଏସଆଇ ହସ୍ପିଟାଲର ଆମ୍ବୁଲାନ୍ସ ଡ୍ରାଇଭରଙ୍କ ଠାରୁ ସେହି ଅଫିସର ଜଣେ ବରିଷ୍ଠ କିରାଣୀ ଲାଞ୍ଚ ନେଇ ଗିରଫ ହୋଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ଜିପିଏଫ ଅର୍ଥ 2 ଲକ୍ଷ ଟଙ୍କା ପାସ କରାଇଦେବ କହି 1000 ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରପଡିଛନ୍ତି ଏହି ଅଧିକାରୀ ।
କାଂଶବହଲ ESI ହସ୍ପିଟାଲର ଆମ୍ବୁଲାନ୍ସ ଡ୍ରାଇଭର ବୈରାଗୀ ବେହେରା 2 ଲକ୍ଷଟଙ୍କା ଜିପିଏଫ ଅର୍ଥ ଲାଗି କରିଥିଲେ ଆବେଦନ । ଏହି ଅର୍ଥ ପାସ କରାଇ ଦେବା ଲାଗି ଉକ୍ତ କାର୍ଯ୍ୟାଳୟର ବରିଷ୍ଠ କିରାଣୀ ବିଷ୍ଣୁ ଚରଣ ମଲ୍ଲିକ 1000 ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ବିଭାଗ ଧରିଥିଲେ ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
