ରାଉରକେଲା: ରାସ୍ତା ଜାମ୍ ପାଇଁ ଚାଲିଗଲା ନିରୀହ ଶିଶୁର ଜୀବନ । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ସୁନ୍ଦରଗଡର କେବଲାଙ୍ଗ ଥାନା ଅନ୍ତର୍ଗତ ଗଗନାପୋଷ ଗ୍ରାମରେ । କେବଲାଙ୍ଗ ପୋଲିସ ଡାକ୍ତରଖାନା ପହଞ୍ଚି ଶବ ଜବତ କରିବା ସହ ଏନେଇ ଏକ ଅପମୃତ୍ୟୁ ମାମଲା ରୁଜ୍ଜୁ କରିଛି ।
ଆଦିବାସୀ ଅଧ୍ୟୁଷିତ ଗଗନାପୋଷ ଗ୍ରାମରୁ ଲହୁଣୀପଡା ଆସିବା ପାଇଁ ହେଲେ କଲେଇପୋଷରୁ ବରସୁଆଁକୁ ସଂଯୋଗ କରୁଥିବା ରାସ୍ତାହିଁ ଏକମାତ୍ର ସାହା ଭରସା । ହେଲେ ଗତକାଲି ରାସ୍ତା ଜାମ ପାଇଁ ଏକ ନିରୀହ ଶିଶୁର ଜୀବନ ଦୀପ ଲିଭିଯାଇଥିବା ଜଣାପଡିଛି ।
ଗତକାଲି ଗଗନାପୋଷ ଗ୍ରାମର ଉପେନ୍ଦ୍ର ମୁଣ୍ତାଙ୍କ ପୁଅ ରୋହନ ମୁଣ୍ଡାକୁ (5) ଏକ ଚିତି ସାପ କାମୁଡି ଦେଇଥିଲା । ଫଳରେ ଘର ଲୋକ ଏକ ଅଟୋ କରି ଲହୁଣୀପଡା ଡାକ୍ତରଖାନାକୁ ନେବା ପାଇଁ ବାହାରିଥିଲେ । ରାସ୍ତାରେ ଭାରି ଯାନ ପାଇଁ ଜାମ ଥିବାରୁ ଡାକ୍ତରଖାନାରେ ପହଞ୍ଚିବା ପାଇଁ ବିଳମ୍ବ ହୋଇଥିଲା । ଫଳରେ ଡାକ୍ତରଖାନା ପହଞ୍ଚିବା ଆଗରୁ ରୋହନର ମୁତ୍ୟୁ ହୋଇଥିଲା।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
