ରାଉରକେଲା : ହୋଟେଲରେ ବହି ବିକ୍ରି ହେଉଛି ବହି । ରାଉରକେଲାର ଏକ ହୋଟେଲରେ ଛାତ୍ରଛାତ୍ରୀଙ୍କ ପାଠପଢା ବହି ବିକ୍ରି ହେଉଥିବା ଦେଖିବାକୁ ମିଳିଛି । କେଉଁ ଦିନ କେଉଁ ସ୍କୁଲର ଆଉ କେଉଁ ଶ୍ରେଣୀର ବହି ମିଳିବ ତାହା ଏକ ବୋର୍ଡରେ ମଧ୍ୟ ଲଗାଯାଇଛି। ସ୍କୁଲରେ ବହି ବିକ୍ରି ଉପରେ ପ୍ରତିବନ୍ଧକ ଲଗାଯିବା ପରେ ଏପରି ନିଷ୍ପତ୍ତି ନିଆଯାଇଛି ।
ସେକ୍ଟର-4ରେ ଥିବା ଏକ ଘରୋଇ ହୋଟେଲକୁ ପ୍ରଶାସନ ତରଫରୁ ହୋଟେଲ ବ୍ୟବସାୟ ପାଇଁ ଲାଇସେନ୍ସ ପ୍ରଦାନ କରା ଯାଇଥିବା ବେଳେ ଏଠାରେ କିପରି ବହି ବିକ୍ରି କରାଯାଉଛି ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
ହୋଟେଲରେ ବିକ୍ରି ହେଉଛି ବହି
ଛାତ୍ରଛାତ୍ରୀ ଏଠାରୁ ଅଧିକ ଟଙ୍କା ଦେଇ ବହି କିଣୁଥିବା ଅଭିଯୋଗ ହୋଇଛି । ଛାତ୍ରଛାତ୍ରୀ କିପରି ସୁଲଭ ମୂଲ୍ୟରେ ବହି ପାଇ ପାରିବେ ଏନେଇ ପ୍ରଶାସନ ପ୍ରୟାସ କରିବା ପାଇଁ ଦାବି କରାଯାଇଛି।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
