ରାଉରକେଲା: ଲକଡାଉନ ପରେ ପଡିରହିଛନ୍ତି ଝାଡଖଣ୍ଡର ଦାଦନ ଶ୍ରମିକ । ମହାମାରୀ କୋରୋନାକୁ ନେଇ ସାରା ଭାରତକୁ 24 ତାରିଖରୁ ଲକଡାଉନ କରାଯାଇଛି । ସମସ୍ତ ପ୍ରକାରର ଯୋଗାଯୋଗ ଛିନ୍ନ କରାଯାଇଛି । ବର୍ତ୍ତମାନ ସୁନ୍ଦରଗଡ ଜିଲ୍ଲାରେ କାର୍ଯ୍ୟକରୁଥିବା 14 ଝାଡଖଣ୍ଡ ଶ୍ରମିକ ନିଜ ଘରକୁ ନେବା ପାଇଁ ଝାଡଖଣ୍ଡ ସରକାରଙ୍କୁ ମୋବାଇଲ ଭିଡିଓ ମାଧ୍ୟମରେ ଆକୁଳ ନିବେଦନ କରିଛନ୍ତି । ବର୍ତ୍ତମାନ ଶ୍ରମିକ ମାନେ ଭୋକ ଉପବାସରେ ପଡି ରହିଥିଲାବେଳେ, ଠିକାଦାର ଫେରାର ହୋଇଯାଇଛନ୍ତି ।
ସୂଚନାନୁଯାୟୀ ସୁନ୍ଦରଗଡ଼ ଜିଲ୍ଲାର କୁଆରମୁଣ୍ଡା ବ୍ଲକର ଜୱରବେଡା ଗାଁରେ ଝାରଖଣ୍ଡର ସାହେବଗଞ୍ଜ ଜିଲ୍ଲାର ରାଜମହଲ ଥାନା ଅନ୍ତର୍ଗତ ପୋଷ୍ଟ ନାରାୟନପୁରର ଲାଖିପୁର ଗ୍ରାମର 14 ଜଣ ଶ୍ରମିକ ଭାବରେ କାର୍ଯ୍ୟକରୁଥିଲେ । ଏହି ଶ୍ରମିକମାନେ ଶୌଚାଳୟ ନିର୍ମାଣ କାର୍ଯ୍ୟରେ ଲାଗୁଥିଲେ । ମହାମାରୀ କୋରୋନାର ଆତଙ୍କ ପରେ ଠିକାଦାର ଓ ଉପରିସ୍ଥ କର୍ମଚାରୀ ମାନେ ସମସ୍ତେ ଫେରାର ହୋଇଯାଇଛନ୍ତି। ବର୍ତ୍ତମାନ ସେମାନଙ୍କ ପାଖରେ ଟଙ୍କା ମଧ୍ୟନାହିଁ ଭୋକ ଉପବାସ ରହି ବହୁତ କଷ୍ଟରେ ରହୁଛନ୍ତି ।
ଏହି ଦାଦନମାନଙ୍କୁ ଗ୍ରାମବାସୀଙ୍କ ସହିତ ଅନିଲ ଏକ୍କା ନାମର ଯୁବକ ଓ ଅନ୍ୟ ମାନେ ସହାୟତା କରୁଛନ୍ତି । ଅରମାନ ଖାଁ,ସହଜ଼ଉଦ୍ଦିନ ଶେଖ,ସରୁଖ ଶେଖ,ସଲିମ ଶେଖ,ତସଦର ଶେଖ,ସଂଗୀର ଖାଁ,ଦୌଲତ ଖାଁ,ଟଯୁଲ ଶେଖ,ରଂଜନ ଶେଖ,ପଚୁ ଶେଖ,ଅଜ଼ମାଲ ହୁସେନ,ଯ଼ାଡ଼ ଶେଖ,ୟୁସୁଫ ଶେଖ,ସନକ ଶେଖ ନାମକ ଶ୍ରମିକ ମାନେ ଘରକୁ ନେବା ପାଇଁ ନେହୁରା ହୋଇଛନ୍ତି । ଝାରଖଣ୍ଡ ସରକାର ସେମାନଙ୍କ ସୁରକ୍ଷିତ ଭାବରେ ତାଙ୍କୁ ନେବା ପାଇଁ ସରକାରଙ୍କୁ କହିଛନ୍ତି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର,ଇଟିଭି ଭାରତ
