ପୁରୀ: ରଥ ନିର୍ମାଣ ନେଇ ସମସ୍ତ ପ୍ରସ୍ତୁତି ଶେଷ ହୋଇଛି । ରଥ ଖଳା ପ୍ରସ୍ତୁତ । ରଥ ଖଳାରେ ବିଶ୍ବକର୍ମା ମହାରଣା ବି ପ୍ରସ୍ତୁତ ହୋଇ ବସିଛନ୍ତି । ତେବେ ଶ୍ରୀମନ୍ଦିର ପରିଚାଳନା କମିଟିର ନିଷ୍ପତ୍ତିକୁ ନେଇ ରାଜ୍ୟ ସରକାରଙ୍କ କୌଣସି ନିର୍ଦ୍ଦେଶ ଆସି ନଥିବା ହେତୁ ରଥ ନିର୍ମାଣ କାର୍ଯ୍ୟ ଆରମ୍ଭ ହୋଇପାରିନାହିଁ ।
ସେପଟେ ରଥ ନିର୍ମାଣରେ ବିଳମ୍ବ ହୋଇଯାଇ ଥିବାରୁ ନିର୍ମାଣ ପାଇଁ ଅଧିକ ସମୟ ଦେଇ କାର୍ଯ୍ୟ କଲେ ହିଁ ନିର୍ମାଣ କାର୍ଯ୍ୟ ସଠିକ ସମୟରେ ସରିବ ବୋଲି ବିଶ୍ବକର୍ମା ମହାରଣା ସେବକମାନେ କହିଛନ୍ତି । ତେବେ ଆସନ୍ତା କାଲି ନୃସିଂହ ଚତୁର୍ଦ୍ଦଶୀ । ଗୁଜ ଅନୁକୂଳ ନେଇ ପ୍ରସ୍ତୁତି ହେବ ।
ସେହିପରି 15 ତାରିଖରେ ଭଉଁରୀ ତିଥି । ତିନି ରଥ 6 ଟି ଚକ ଡେରା ହେବାର ପରମ୍ପରା ରହିଛି । ଏଣୁ ଜୋରସୋର କାର୍ଯ୍ୟ ନେଇ ମହାରଣା ସେବକମାନେ ପ୍ରସ୍ତୁତ ରହିଛନ୍ତି । ଏଥର କୋରୋନା ଗାଇଡ୍ ଲାଇନ ଅନୁଯାୟୀ ସାମାଜିକ ଦୂରତ୍ବ ବଜାୟ ରଖି କାର୍ଯ୍ୟ ହେବ । ତେବେ ସରକାରଙ୍କ ନିର୍ଦ୍ଦେଶ ଆସିଲେ ରଥ ନିର୍ମାଣ କାର୍ଯ୍ୟ ଆରମ୍ଭ ହେବ ବୋଲି କୁହାଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
