ପୁରୀ: ଟ୍ରାକରୁ ଖସିଲା ଟ୍ରେନ । ପୁରୀ ଜିଲ୍ଲାର ଚନ୍ଦନପୁର ଓ ତୁଳସୀଚଉରା ନିକଟରେ ଖାଲି ବଗି ନେଇ ଯାଉଥିବା ଟ୍ରେନ୍ର ଇଞ୍ଜିନ ଟ୍ରାକରୁ ଖସିପଡିଛି । ଆଜି ଭୋର ସମୟରେ ଏହି ଦୁର୍ଘଟଣା ଘଟିଛି ।
ଖୋର୍ଦ୍ଧା ରୋଡରୁ ଆସୁଥିବାବେଳେ ଏହି ଦୁର୍ଘଟଣା ଘଟିଥିବା ଜଣାପଡିଛି । ଇଞ୍ଜିନର ଆଗ ତିନୋଟି ଚକ ସହ ପଛର ଗୋଟିଏ ଚକ ଲାଇନଚ୍ୟୁତ ହୋଇଛି । ତେବେ କୌଣସି ବଡ ଧରଣର ଦୁର୍ଘଟଣା ଘଟିନାହିଁ ।
ଖବରପାଇ ଘଟଣାସ୍ଥଳରେ ପହଞ୍ଚି ରେଲେୱେ ବୈଷୟିକ ଟିମ୍ ମରାମତି କାର୍ଯ୍ୟ କରୁଛନ୍ତି। ତେବେ କାହିଁକି ଇଞ୍ଜିନ୍ ଲାଇନଚ୍ୟୁତ ହେଲା ଏନେଇ ତଦନ୍ତ କରାଯିବ ବୋଲି ରେଲୱେର ବରିଷ୍ଠ ଅଧିକାରୀ କହିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
