ପୁରୀ: ଆଲୋକର ପର୍ବ ଦୀପାବଳିକୁ ନିଆରା ଢଙ୍ଗରେ ପାଳିଲେ ପୁରୀ ଅଠରନଳାର ମା ବସନ୍ତେଇ କ୍ଲବ ସଦସ୍ୟ । ଦେଶ ପାଇଁ ବଳିଦାନ ଦେଇଥିବା ଯବାନଙ୍କୁ ଏହି ଅବସରରେ ଦେଲେ ଶ୍ରଦ୍ଧାଞ୍ଜଳି ।
ଶହୀଦ ଯବାନଙ୍କୁ ଦୀପାବଳିରେ ଶ୍ରଦ୍ଧାଞ୍ଜଳି
ଏହାସହ କୋରୋନା ମହାମାରୀରେ ଜୀବନ ହାରିଥିବା ଲୋକଙ୍କ ଉଦ୍ଦେଶ୍ୟରେ ମଧ୍ୟ ଦୀପ ଜାଳିଲେ କ୍ଲବ ସଦସ୍ୟ । ପ୍ରାୟ ତିନି ଶହରୁ ଅଧିକ ଦୀପ ଜାଳି କ୍ଲବ ସଦସ୍ୟ ମାନେ ଏମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।
ଚଳିତ ବର୍ଷ କୋରୋନା କଟକଣା ପାଇଁ ବାଣ ବ୍ୟବସାୟ ସହ ଫୁଟା ଉପରେ କଟକଣା ଲଗାଯିବା ଉପରେ ସରକାର ନେଇଥିବା ନିଷ୍ପତ୍ତିକୁ ମଧ୍ୟ କ୍ଲବର ସଦସ୍ୟମାନେ ସ୍ବାଗତ କରିଛନ୍ତି । ଶନିବାର ସନ୍ଧ୍ୟା ସମୟରେ କ୍ଲବର ପାଖାପାଖି 20ରୁ ଅଧିକ ସଦସ୍ୟ ଅଠରନଳା ଠାରେ 300ରୁ ଅଧିକ ଦୀପ ଜାଳି ପ୍ରଦୂଷଣ ମୁକ୍ତ ଦୀପାବଳି ପାଳନ କରିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
