ପୁରୀ:ବିବାହ, ବ୍ରତ, ଶୁଦ୍ଧିଘର ଇତ୍ୟାଦି ସାମାଜିକ କାର୍ଯ୍ୟକ୍ରମ ପାଳନ ପାଇଁ ନିର୍ଦ୍ଧାରିତ ନିର୍ଦ୍ଦେଶରେ ପରିବର୍ତ୍ତନ ପାଇଁ ପୁରୀ ଜ଼ିଲ୍ଲା ଟେଣ୍ଟ, କ୍ୟାଟରିଂ, ପୁଷ୍ପସଜା, ଆଲୋକ ଏବଂ ଶବ୍ଦ ପ୍ରକରଣର ସଙ୍ଘ ସମୂହ ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଦାବି ପ୍ରଦାନ କରିଛନ୍ତି l
କରୋନା ମହାମାରୀ ଯୋଗୁଁ ଦୀର୍ଘ ଦିନ ଧରି ସରକାରୀ ନିର୍ଦ୍ଦେଶ ଅନୁଯାୟୀ ସାର୍ବଜନୀନ ଭାବରେ ସାମାଜିକ କାର୍ଯ୍ୟକ୍ରମ ଗୁଡିକ ବନ୍ଦ ରହିବା ଯୋଗୁଁ ସମସ୍ତ ବ୍ୟବସାୟ ସମ୍ପୂର୍ଣ ଭାବେ ବନ୍ଦ ହୋଇଯାଇଛି l ଏହାକୁ ନିର୍ଭର କରି ଚଳୁଥିବା ଓଡ଼ିଶାର ହଜାର ହଜାର ଲୋକଙ୍କର ଆର୍ଥିକ ସ୍ଥିତି ଦୟନୀୟ ହୋଇପଡିଛି l କୋରୋନା ସଂକ୍ରମଣ କମୁଥିବାରୁ ପରିସ୍ଥିତିକୁ ଆଖି ଆଗରେ ରଖି ବିଭିନ୍ନ କ୍ଷେତ୍ରରେ ପୂର୍ବ ନିର୍ଦ୍ଧାରିତ ନିୟମକୁ କୋହଳ କରାଯାଇ ଥିବାବେଳେ ବିବାହ, ବ୍ରତ, ଶୁଦ୍ଧଘର ଓ ସାମାଜିକ କାର୍ଯ୍ୟକ୍ରମ କ୍ଷେତ୍ରରେ କୌଣସି କୋହଳ କରାଯାଉନାହିଁ l
ତେଣୁ ପୂର୍ବ ନିର୍ଦ୍ଧାରିତ ନିୟମକୁ କୋହଳ କରାଯାଇ ବିବାହ ଇତ୍ୟାଦି ସାମାଜିକ କାର୍ଯ୍ୟକର୍ମରେ ସର୍ବନିମ୍ନ ୩00 ବ୍ୟକ୍ତି ବିଶେଷଙ୍କ ସାମିଲ ହେବା ନେଇ ଅନୁମତି ପାଇଁ ଦାବି କରିଛନ୍ତି ଅଲ ଓଡିଶା ଟେଣ୍ଟ, କ୍ୟାଟରର, ପୁଷ୍ପ, ଆଲୋକ ଓ ଶବ୍ଦ ପ୍ରକରଣ ସଙ୍ଘ l
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
