ପୁରୀ : ହଟିଛି ଲକଡାଉନ ଓ ସଟ ଡାଉନ । ଧିରେ ଧିରେ ସ୍ବାଭାବିକ ହେଉଛି ପର୍ଯ୍ୟଟନ ସହର ଶ୍ରୀକ୍ଷେତ୍ର । ପୁଣି ଚଳଚଞ୍ଚଳ ହୋଇ ଉଠିଲାଣି ବଡ ଦାଣ୍ତ। 3 ତାରିଖରୁ ଆରମ୍ଭ ହୋଇଛି ସର୍ବସାଧାରଣ ଦର୍ଶନ । ପ୍ରମୁଖ ପର୍ଯ୍ୟଟନସ୍ଥଳୀ କୋଣାର୍କ ମଧ୍ୟ ଖୋଲି ଗଲାଣି । କୋଭିଡ କଟକଣା ମାନି ହୋଟେଲ ଖୋଲିଲେଣି ମାଲିକ । ପର୍ଯ୍ୟଟକ ଓ ବ୍ୟବସାୟୀଙ୍କ ମୁହଁରେ ଫୁଟିଲାଣି ହସ । ବଡଦାଣ୍ତ ଠୁ ଆରମ୍ଭ କରି ସମୁଦ୍ର ବେଳାଭୂମି ପର୍ଯ୍ୟନ୍ତ ସମସ୍ତ ହୋଟେଲରେ ବ୍ୟାପକ ବ୍ୟବସ୍ଥା ହୋଇଛି । ପର୍ଯ୍ୟଟକଙ୍କ ସୁରକ୍ଷାକୁ ଦୃଷ୍ଟିରେ ରଖି ହୋଟେଲର କୋଠରୀକୁ ସାନିଟାଇଜ କରାଯାଉଛି । କେବଳ ସେତିକି ନୁହେଁ ବାହାରୁ ଆସୁଥିବା ପର୍ଯ୍ୟଟକଙ୍କ ଲଗେଜକୁ ମଧ୍ୟ ଭଲ ଭାବରେ ପରିସ୍କାର କରାଯାଉଛି । ମାଲିକ ମାନେ ଆଶା ରଖିଛନ୍ତି ଦୀର୍ଘ 9 ମାସ ଧରି ସହିଥିବା ଆର୍ଥିକ କ୍ଷତି ଏବେ ପୂରଣ ହେବ । ତେବେ, ପୁରୀରେ 8 ଶହରୁ ଅଧିକ ଛୋଟ ବଡ଼ ହୋଟେଲ , ଲଜିଂ ଓ ଗେଷ୍ଟ ହାଉସ ରହିଛି ।
ଜଗା ଦାଣ୍ଡରେ ମେଲିଲା ପସରା,ବ୍ୟବସାୟୀଙ୍କ ମୁହଁରେ ଫୁଟିଲା ହସ
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
