ପୁରୀ: ଆଗକୁ ଆସୁଛି ପଞ୍ଚୟତ ନିର୍ବାଚନ । ଏଥିପାଇଁ ପୁରୀ ବ୍ରହ୍ମଗିରି ନିର୍ବାଚନ ମଣ୍ଡଳୀରେ ସଂଗଠନକୁ ଶକ୍ତିଶାଳୀ କରିବା ନେଇ ବିଜେଡି ଉଦ୍ୟମ ଆରମ୍ଭ କରିଛି । ପୁରୀରେ ବିଜେଡିର ଦଳୀୟ କାର୍ଯ୍ୟାଳୟରେ ଏନେଇ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଛି । ଏଥିରେ କୃଷ୍ଣପ୍ରସାଦ ବ୍ଲକର କିଛି ଟାଣୁଆ କଂଗ୍ରେସ ନେତା ବିଜେଡିରେ ମିଶିଛନ୍ତି ।
ବିଜେଡିର ମିଶ୍ରଣ ପର୍ବ
ଏହା ଦ୍ବାରା ବିଜେଡି ଆହୁରି ଶକ୍ତିଶାଳୀ ହେବ ବୋଲି ବ୍ରହ୍ମଗିରିର ପୂର୍ବତନ ବିଧାୟକ ତଥା ଯୋଜନା ବୋର୍ଡ ଉପାଧ୍ୟକ୍ଷ ସଞ୍ଜୟ ଦାସବର୍ମା କହିଛନ୍ତି । ଏହାସହ ବିଜୁ ବାବୁଙ୍କ ଆଦର୍ଶ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କାର୍ଯ୍ୟ ଧାରା ଏହି ନେତା ମାନେ ଗ୍ରହଣ କରି ଦଳକୁ ଆହୁରି ସୁଦୃଢ କରିବେ ବୋଲି ସେ କହିଛନ୍ତି ।
14 ଜଣ ନେତା ସାମିଲ ହୋଇଥିବା ବେଳେ ତାଙ୍କୁ ବିଜେଡିର ଉତ୍ତରୀୟ ଓ ପୁଷ୍ପ ଦେଇ ପୁରୀ ଜିଲ୍ଲା ବିଜେଡି ସଭାପତି ମହେଶ୍ବର ମହାନ୍ତି ସ୍ବାଗତ କରିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ
