ପୁରୀ: କୋଣାର୍କ ମହୋତ୍ସବ ଅବସରରେ ଚନ୍ଦ୍ରଭାଗାରେ ଚାଲିଛି ଅନ୍ତର୍ଜାତୀୟ ବାଲୁକାଚିତ୍ର କଳା ଉତ୍ସବ । ଭଳିକି ଭଳି ବାଲୁକାକଳା କରି ସଚେତନତା ବାର୍ତ୍ତା ଦେଉଛନ୍ତି ଦେଶରୁ କୋଣ ଅନୁକୋଣରୁ ଆସିଥିବା ବାଲୁକାଶିଳ୍ପୀ ।
ଅନ୍ତର୍ଜାତୀୟ ବାଲୁକା ଚିତ୍ରକଳା ଉତ୍ସବ, କଳାକୃତିରେ ସଚେତନତା ବାର୍ତ୍ତା
ବାଲୁକା ଚିତ୍ରକଳା ଉତ୍ସବରେ ମୋଟ 25ଟି ଷ୍ଟଲରେ ଏହି ବାଲୁକା କଳାକୃତି ନିର୍ମାଣ ହେଇଛି । ଯାହାକୁ ନିର୍ମାଣ କରିଛନ୍ତି ସାରା ଦେଶରୁ ଆସିଥିବା 70ଜଣ ବାଲୁକା ଚିତ୍ରଶିଳ୍ପୀ । ଆଉ ବେଳାଭୂମିରେ ଏହି ସୁନ୍ଦର ସୁନ୍ଦର ବାଲୁକାକଳାକୁ ଦେଖିବା ପାଇଁ ପର୍ଯ୍ୟଟକଙ୍କ ମଧ୍ୟରେ ବେଶ୍ ଆଗ୍ରହ ଦେଖିବାକୁ ମିଳିଛି । ଏଥିପାଇଁ ଜମୁଛି ଭିଡ । କୋରୋନା କଟକଣା ମଧ୍ୟରେ ଲୋକେ ବାଲୁକାକଳା ପ୍ରଦର୍ଶନୀ ଦେଖୁଛନ୍ତି ।
ଏଥିପାଇଁ ଅପରାହ୍ନ 3ଟାରୁ ପର୍ଯ୍ୟଟକଙ୍କୁ ପଞ୍ଜିକରଣ କରିବାକୁ ପଡୁଛି । ତେବେ ଓଡିଶା ପର୍ଯ୍ୟଟନ ବିଭାଗ ଓ ଅନ୍ତର୍ଜାତୀୟ ବାଲୁକାଚିତ୍ର ଶିଳ୍ପୀ ସୁଦର୍ଶନ ପଟ୍ଟନାୟକଙ୍କ ତତ୍ତ୍ବବଧାନରେ ଏହି ବାଲୁକାଚିତ୍ର କଳା ଉତ୍ସବ ଅୟୋଜନ କରାଯାଉଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
