ପୁରୀ: କୋହଳ ହୋଇଛି କୋଭିଡ କଟକଣା । ଆଜି(ରବିବାର) ଶ୍ରୀମନ୍ଦିରରେ ଶ୍ରୀଜୀଉଙ୍କ ଦର୍ଶନ କଲେ ଶ୍ରଦ୍ଧାଳୁ । ଆଜି ଠାରୁ ପ୍ରତି ରବିବାରରେ ମିଳିବ ଜଗା ଦର୍ଶନ । ଏଣିକି ସପ୍ତାହର ସବୁଦିନ ପରି ରବିବାରରେ ମଧ୍ୟ ଶ୍ରୀମନ୍ଦିର ଭକ୍ତଙ୍କ ପାଇଁ ଖୋଲା ରହିବ । ଶ୍ରୀମନ୍ଦିରରେ ସାଧାରଣ ଦର୍ଶନ ପାଇଁ ଲାଗିଥିବା ରବିବାର କଟକଣା ଆଜିଠୁ ହଟାଇ ଦିଆଯାଇଛି ।
ରବିବାର ଦିନ ଶ୍ରୀମନ୍ଦିରରେ ସର୍ବସାଧାରଣ ଦର୍ଶନ ଅନୁମତି ପାଇଁ ଗତ ୧୨ ତାରିଖରେ ବସିଥିବା ଛତିଶା ନିଯୋଗ ବୈଠକରେ ନିଷ୍ପତ୍ତି ନିଆଯାଇଥିଲା । କୋଭିଡ କଟକଣା ଗତ ଦୁଇ ବର୍ଷ ଧରି ରବିବାର ଦିନ ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ ବନ୍ଦ ରହୁଥିଲା । ପ୍ରତି ରବିବାର ଦିନ ଶ୍ରୀମନ୍ଦିର ସାନିଟାଇଜ କରିବା ପାଇଁ ଶ୍ରଦ୍ଧାଳୁଙ୍କ ଲାଗି ଶ୍ରୀମନ୍ଦିର ଦ୍ବାର ବନ୍ଦ ରହୁଥିଲା । ଏବେ କଟକଣା କୋହଳ କରାଯାଇ ସବୁଦିନ ମନ୍ଦିର ଖୋଲା ରଖିବାକୁ ନିଷ୍ପତ୍ତି ହୋଇଛି ।
