ପୁରୀ: ରଥ ନିର୍ମାଣ ପାଇଁ କାଠ ସଂକଟ ନେଇ ଆଶଙ୍କା । ରାଜ୍ୟ ସରକାର ଜଗନ୍ନାଥ ବନ ପ୍ରକଳ୍ପର ସୁରକ୍ଷା କରିବା ଉପରେ ଗୁରୁତ୍ବ ଦେଲେ ଗଜପତି । ପ୍ରତିବର୍ଷ ନୂଆ ରଥ ନିର୍ମାଣ ଆମ ପରମ୍ପରା । ଏହା ଭଙ୍ଗ ହେବା ଉଚିତ ନୁହେଁ ବୋଲି ଗଜପତି କହିଛନ୍ତି ।
ଜଗନ୍ନାଥ ବନ ପ୍ରକଳ୍ପର ସୁରକ୍ଷା ସରକାରଙ୍କ ଦାୟିତ୍ବ: ଗଜପତି
ମହାପ୍ରଭୁଙ୍କ ରଥ ନିର୍ମାଣ ପାଇଁ ଆଗାମୀ ଦିନରେ କାଠର ସଂକଟ ଦେଖା ଦେଇପାରେ ବୋଲି ଆଶଙ୍କା କରାଯାଉଛି । ତେବେ ଏନେଇ ମତ ରଖିଛନ୍ତି ଗଜପତି ମହାରାଜା ଦିବ୍ୟସିଂହ ଦେବ । ପୁରୀ, ଖୋର୍ଦ୍ଧା ଓ ନୟାଗଡ଼ ସମେତ ଅନ୍ୟ କିଛି ଜଙ୍ଗଲ ଡିଭିଜନକୁ ନେଇ ଏହି ବନ ପ୍ରକଳ୍ପ ଚାଲିଛି । ସ୍ଥାନୀୟ ଲୋକମାନେ ମଧ୍ୟ ଜଙ୍ଗଲ ସୁରକ୍ଷାରେ ଅଛନ୍ତି । ଏହି ଜଙ୍ଗଲରେ ଗଛ ସୁରକ୍ଷିତ ରହିବା ଦିଗରେ ରାଜ୍ୟ ସରକାର ଧ୍ୟାନ ଦେବା ଆବଶ୍ୟକ ବୋଲି ଗଜପତି କହିଛନ୍ତି । ଜଗନ୍ନାଥ ବନ ପ୍ରକଳ୍ପ ଯଦି ଚାଲେ ତାହେଲେ ଅଗାମୀ ଦିନରେ ରଥ ନିର୍ମାଣ ନେଇ କାଠ ସଙ୍କଟ ରହିବ ନାହିଁ ବୋଲି ସେ ମତ ରଖିଛନ୍ତି ।
ଇଟିଭି ଭାରତ, ପୁରୀ
