ପୁରୀ: ସାରା ଦେଶରେ ଚାଲିଛି କୋଭିଡ ଟୀକାକରଣ । ଏହି କ୍ରମରେ ଓଡି଼ଶା ସରକାର ସ୍ବତନ୍ତ୍ର ଭାବେ ବିଚାର କରି ଓଡିଶାର ଔଷଧ ଦୋକାନୀ ଓ ସେମାନଙ୍କ କର୍ମଚାରୀ ସମେତ ପରିବାର ଲୋକଙ୍କୁ କୋଭିଡ ଟୀକାକରଣ ଜାରି ରଖିଛନ୍ତି। ତେବେ ଔଷଧ ଦୋକାନୀଙ୍କୁ କୋଭିଡ ଯୋଦ୍ଧା ଘୋଷଣା କରିବାକୁ ଦାବି ହୋଇଛି ।
ଔଷଧ ଦୋକାନୀ ମାନେ ସିଧାସଳଖ ଲୋକଙ୍କ ସହ ତଥା ରୋଗୀ ସମ୍ପର୍କୀୟଙ୍କ ସଂସ୍ପର୍ଶରେ ଆସୁଛନ୍ତି ସେମାନଙ୍କ ସୁରକ୍ଷା ପାଇଁ ସରକାର ଏହି ପଦକ୍ଷେପ ନେଇଛନ୍ତି। ପୁରୀ ଜିଲ୍ଲା କେମିଷ୍ଟ ଓ ଡ୍ରଗିଷ୍ଟ ଆସୋସିଏସନ ଏବଂ ପୁରୀ ଜିଲ୍ଲା ପ୍ରଶାସନର ମିଳିତ ଉଦ୍ୟମରେ ପୁରୀ ଜିଲ୍ଲାର ଔଷଧ ଦୋକାନୀ, କର୍ମଚାରୀଙ୍କୁ କୋଭିଡ଼ ଟୀକା ପ୍ରଦାନ କରାଯାଇଛି।
ତେବେ ଔଷଧ ଦୋକାନୀଙ୍କୁ କୋଭିଡ ଯୋଦ୍ଧା ଭାବେ ସରକାର ଘୋଷଣା କରନ୍ତୁ ବୋଲି ପୁରୀ ଜିଲ୍ଲା କେମିଷ୍ଟ ଓ ଡ୍ରଗିଷ୍ଟ ଆସୋସିଏସନ ଦାବି କରିଛି। ତେବେ ଔଷଧ ଦୋକାନୀ ଓ ତାଙ୍କ ପରିବାରର ସୁରକ୍ଷା ପାଇଁ ଅଗ୍ରାଧୀକାର ଭିତ୍ତିରେ କୋଭିଡ ଟୀକାକରଣ କରାଯାଉ ଥିବା ହେତୁ ରାଜ୍ୟ ସରକାର ଏବଂ ପୁରୀ ଜିଲ୍ଲା ପ୍ରଶାସନକୁ ଧନ୍ୟବାଦ ଦେଇଛନ୍ତି ପୁରୀ ଜିଲ୍ଲା କେମିଷ୍ଟ ଡ୍ରଗିଷ୍ଟ ଆସୋସିଏସନ ।
ପୁରୀରୁ ଶକ୍ତି ପ୍ରଶାଦ ମିଶ୍ର, ଇଟିଭି ଭାରତ
