ପୁରୀ: ଗୋପ କୁଶଭଦ୍ରା ନଦୀରେ ଅଘଟଣ । ବନ୍ୟାଜଳରେ ଭାସି ଯାଇ ଜଣକର ମୃତ୍ୟୁ ହୋଇଥିବା ସୂଚନା । ମୃତକ ଜଣଙ୍କ ହେଉଛନ୍ତି ଗୋପ ଥାନା ଅନ୍ତର୍ଗତ ଶୋଳପୁର ଗ୍ରାମର କବିରାଜ ପଣ୍ଡା । ସେ ମା ଅଡଙ୍ଗେଇ ପୀଠରେ ପୂଜକ ଥିଲେ ।
କୁଶଭଦ୍ରା ନଦୀରେ ଭାସି ଯାଇ ବୃଦ୍ଧଙ୍କ ମୃତ୍ୟୁ
ମିଳିଥିବା ସୂଚନା ଅନୁଯାୟୀ, ଆଜି ସକାଳେ ପୂଜକ କବିରାଜ ପଣ୍ଡା କୁଶଭଦ୍ରା ନଦୀକୁ ସ୍ନାନ କରିବାକୁ ଯାଇଥିଲେ । ଏହି ସମୟରେ ନଦୀର ପ୍ରଖର ସ୍ରୋତରେ ଭାସି ଯିବାରୁ ତାଙ୍କର ମୃତ୍ୟୁ ହୋଇଥିଲା । ସ୍ଥାନୀୟ ଲୋକେ ନଦୀରେ କବିରାଜଙ୍କ ମୃତଦେହ ଭାସୁଥିବା ଦେଖି ଉଦ୍ଧାର କରିବା ପରେ ପରିବାର ସଦସ୍ୟଙ୍କୁ ଜଣାଇଥିଲେ । କବିରାଜଙ୍କ ମୃତ୍ୟୁପରେ ପରିବାରରେ ଶୋକର ଛାୟା ଖେଳିଯାଇଥିବା ବେଳେ ଗରିବ ଶ୍ରେଣୀର ହୋଇଥିବାରୁ ଆଗକୁ କିଭଳି ଭରଣପୋଷଣ କରିବେ ସେନେଇ ଚିନ୍ତାରେ । କବିରାଜଙ୍କ ପରିବାରକୁ ସରକାରୀ ସାହାଯ୍ୟ ସହ କ୍ଷତିପୂରଣ ଦେବାକୁ ଶୋଳପୁର ଗ୍ରାମବାସୀ ଦାବି କରିଛନ୍ତି ।
ଇଟିଭି ଭାରତ, ପୁରୀ
