ପୁରୀ: ଜିଲ୍ଲା ଚନ୍ଦନପୁର ବଜାରରେ ଦିନ ଦ୍ଵି ପ୍ରହରରେ ଡକାୟତି। ଜଣେ ବ୍ୟବସାୟୀଙ୍କ ଠାରୁ 4 ଲକ୍ଷ ଟଙ୍କା ଲୁଟି ନେଲେ ଦୁର୍ବୃତ୍ତ । ବାଇକରେ ଆସି ବ୍ୟବସାୟୀଙ୍କ ଠାରୁ ଝାମ୍ପି ନେଇଛନ୍ତି ଦୁର୍ବୃତ୍ତ ।
ବାଇକରେ ଆସି ବ୍ୟବସାୟୀଙ୍କ ଠାରୁ 4 ଲକ୍ଷ ଲୁଟି ନେଲେ ଦୁର୍ବୃତ୍ତ
ସୂଚନା ଅନୁଯାୟୀ ଚନ୍ଦନପୁର ଉଆ ସାହିର ସିମେଣ୍ଟ ବ୍ୟବସାୟୀ ଜୀବନ ସାମନ୍ତରାୟ ଆଜି ପୂର୍ବାହ୍ନରେ ବ୍ୟାଙ୍କକୁ 4 ଲକ୍ଷ ଟଙ୍କା ଡିପୋଜିଟ ଯାଉଥିଲେ । ଏତିକି ବେଳେ ପୂର୍ବରୁ ତାଙ୍କୁ ପିଛା କରୁଥିବା 2 ଦୁର୍ବୃତ୍ତ ବାଇକରେ ଆସି ଜୀବନଙ୍କ ହାତରେ ଥିବା ବ୍ୟାଗ ଛଡାଇ ବାଇକ ଯୋଗେ ଫେରାର ହୋଇଯାଇଥିଲେ । ଏହା ପରେ ଖବର ପାଇ ପୋଲିସ ଘଟଣାର ତଦନ୍ତ ଆରମ୍ଭ କରିଛି । ସ୍ପଷ୍ଟ ଦିବାଲୋକରେ ବ୍ୟବସାୟୀଙ୍କ ଠାରୁ ଲୁଟ ଘଟଣା ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳାଇ ଦେଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
