ପୁରୀ: ଦୀର୍ଘ ୬ମାସ ପରେ ମେ ୧୭ରେ ଖୋଲାଯାଇଛି କେଦାରନାଥ ମନ୍ଦିର । ଏହି ଅବସରରେ ଆଇସକ୍ରିମ୍ ଷ୍ଟିକ୍ ସାହାଯ୍ୟରେ ପୁରୀର ଯୁବ ଶିଳ୍ପୀ ବିଶ୍ୱଜିତ ନାୟକ ଏକ ଛୋଟ କେଦାରନାଥ ମନ୍ଦିର ତିଆରି କରିଛନ୍ତି । ଏହା ବେଶ ଆକର୍ଷଣୀୟ ହୋଇଛି ।
ଯୁବଶିଳ୍ପୀଙ୍କ ନିଆରା କଳାକୃତି, ଆକର୍ଷଣ ସାଜୁଛି ଆଇସି କ୍ରିମ କାଠିରେ କାଠିରେ ତିଆରି କେଦାରନାଥ ମନ୍ଦିର
ଏହି କଳାକୃତି ନିର୍ମାଣ ପାଇଁ ଶିଳ୍ପୀ ବିଶ୍ୱଜିତ ୧୭୫ଟି ଆଇସକ୍ରିମ କାଠି ବ୍ୟବହାର କରିଛନ୍ତି । ଇଣ୍ଡିଆ ବୁକ୍ ଅଫ୍ ରେକର୍ଡ ପାଇଁ ମଧ୍ୟ ସେ ଆବେଦନ କରିଛନ୍ତି । ୧୦ ଇଞ୍ଚ ଲମ୍ବ ଓ ୭ ଇଞ୍ଚ ଚଉଡା ଏହି କଳାକୃତି ପାଇଁ ତାଙ୍କୁ ୨୭ଘଣ୍ଟା ସମୟ ଲାଗିଥିଲା । ତେବେ ଏହି ନିଆରା କଳାକୃତିକୁ ଇଣ୍ଡିଆ ବୁକ ଅଫ ରେକର୍ଡ 2021ରେ ସ୍ଥାନ ଦେବା ପାଇଁ ବିଶ୍ୱଜିତ ମଧ୍ୟ ଆବେଦନ କରିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
