ପୁରୀ: ଆଜି ନଟଖଟିଆ ନନ୍ଦଲାଲାଙ୍କ ନନ୍ଦୋତ୍ସବ । ଗତକାଲି ମଧ୍ୟରାତ୍ରରେ ପୃଥିବୀ ପୃଷ୍ଠରେ ଧରାବତରଣ କରିବା ପରେ ଆଜି ଶ୍ରୀମନ୍ଦିରରେ ପାଳିତ ହେଉଛି ଶ୍ରୀକୃଷ୍ଣଙ୍କ ନନ୍ଦୋତ୍ସବ ନୀତି । ଆଜି ମଙ୍ଗଳ ଆଳତି ପରେ ରାମକୃଷ୍ଣ, ମଦନମୋହନଙ୍କୁ ଜଗମୋହନରେ ଥିବା ଦୋଳିରେ ବିଜେ କରାଇବେ । ଏହା ପରେ ଦୋଳିରେ ଝୁଲୁଥିବା ରାମକୃଷ୍ଣ ଓ ମଦନମୋହନ ଖଟରେ ବିଜେ କରିବେ ।
ଆଜି ଶ୍ରୀମନ୍ଦିର ନନ୍ଦୋତ୍ସବ ନୀତି
ପରେ ନିର୍ବିଗ୍ରହଙ୍କୁ ମାର୍ଜଣା, ମାଳଫୁଲ ଲାଗି ବେଶ କରାଯିବ । ପରେ ପାଲିଙ୍କିରେ ଠାକୁର ଲକ୍ଷ୍ମୀମନ୍ଦିର ଜଗମୋହନକୁ ବିଜେ କରିବେ । ଭିତରଚ୍ଛ ମହାପାତ୍ରେ ନନ୍ଦ ମହାରାଜାଙ୍କ ଭୂମିକା ନେବା ପରେ ସେଠାରେ ନନ୍ଦୋତ୍ସବ ନୀତି ଅନୁଷ୍ଠିତ ହେବ । ଭଣ୍ଡାରଘରୁ ଦୁର୍ଗାଦେବୀ ମା’ ସୁଭଦ୍ରାଙ୍କ ବାଡ଼ରୁ ଆଜ୍ଞାମାଳ ପାଇ ବିଜେ ହେବାପେର ବିଜୁଳି କନ୍ୟା ନୀତି ହେବ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
