ପୁରୀ: ପୁରୀ ପୋଲିସ ହେପାଜତରେ କେ. ରମେଶଙ୍କ ମୃତ୍ୟୁ ଅଭିଯୋଗ ଘଟଣା । ଦିନକୁ ଦିନ ଏହା ଚର୍ଚ୍ଚିତ ହେବାରେ ଲାଗିଛି। ଏଯାବତ ଘରକୁ ଫେରିନାହାନ୍ତି ମୃତ କେ.ରମେଶଙ୍କ ବାପା କେ.ଗୁରୁମୂର୍ତ୍ତି ଓ ମା’ କେ. ଭାରତୀ ଫେରି ନାହାନ୍ତି । ତେବେ ପୋଲିସ କେବଳ ରମେଶଙ୍କ ଦାଦା କେ. ଆରିଆଙ୍କୁ ଛାଡିଛି। ତେବେ କେଉଁଠି ବାପା ମା' ଅଛନ୍ତି ଜଣା ପଡି ନ ଥିବା ବେଳେ, ପୋଲିସ ତାଙ୍କୁ କୌଣସି ସ୍ଥାନରେ ରଖିଥିବା ତାଙ୍କ ସମ୍ପର୍କୀୟ କହିଛନ୍ତି। ଏନେଇ ତୁରନ୍ତ ପୋଲିସ ରମେଶଙ୍କ ବାପା ଓ ମା'ଙ୍କୁ ଘରକୁ ଛାଡିବାକୁ ପରିବାର ସମ୍ପର୍କୀୟ ଦାବି କରିଛନ୍ତି। ଏହାଫଳରେ ଶେଷକୃତ୍ୟ ପରେ ସୁଦ୍ଧିକ୍ରିୟା ପରମ୍ପରା ହୋଇପାରିବ।
ତେବେ ଅଭିଯୁକ୍ତ ପୋଲିସ ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବି କରିଛନ୍ତି କେ.ରମେଶଙ୍କ ସମ୍ପର୍କୀୟ। ସେପଟେ ତାଙ୍କ ବାପା ଓ ମା'ଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଯାହାକି ବେଶ ଚର୍ଚ୍ଚାର ବିଷୟ ହୋଇଛି। ରମେଶଙ୍କ ମା' କହିଛନ୍ତି ମିଡିଆ ଓ ରାଜନେତା ସେମାନଙ୍କ ପରିବାରକୁ ଅଯଥାରେ ହଇରାଣ ନ କରନ୍ତୁ। ସେମାନେ ପୁଅର ସୁଦ୍ଧିକ୍ରିୟା ଭଲରେ କରିବାକୁ ଚାହୁଁଛନ୍ତି। କିନ୍ତୁ ମିଡିଆ ଓ ରାଜନେତା ହଇରାଣ ନ କରନ୍ତୁ। ସେମାନେ କେଉଁଠି ଅଛନ୍ତି ସ୍ଥାନର ନାଁ ପ୍ରକାଶ କରି ନ ଥିଲେ ମଧ୍ୟ ଜଣେ ବନ୍ଧୁ ଘରେ ରହିଥିବା କହିଛନ୍ତି। ତେବେ ଏହି ଭିଡ଼ିଓ ପୋଲିସ ତିଆରି କରି ଭାଇରାଲ କରିଥିବା ଚର୍ଚ୍ଚା ହେଉଛି। ଏବେବି ଏହାକୁ ନେଇ ସସପେନ୍ସ ଲାଗି ରହିଛି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
