ପୁରୀ: ପୁରୀ ପୋଲିସକୁ ସଫଳତା । ପୁରୀରୁ 3କୋଟି ଟଙ୍କାର ବ୍ରାଉନସୁଗାର ଜବତ ସହ ଜଣଙ୍କୁ ଗିରଫ କଲା ବାସେଳିସାହି ଥାନା ପୋଲିସ । ପୁରୀ ଘାଟ ଛକରୁ ଆଜି 3କିଲୋଗ୍ରାମ ବ୍ରାଉନସୁଗାର ଜବତ କରାଯାଇଥିବା ବେଳେ ଜଣେ ବ୍ରାଉନସୁଗାର ବେପାରୀକୁ ଗିରଫ କରାଯାଇ 2 ଜଣଙ୍କୁ ଅଟକ ରଖାଯାଇଛି । ଏହି ଘଟଣା ନେଇ ଆଜି ପୁରୀ ଏସପି ସାମ୍ବାଦିକ ସମିଳନୀରେ ସବିଶେଷ ତଥ୍ୟ ଦେବାର କାର୍ଯ୍ୟକ୍ରମ ରହିଛି ।
ତେବେ ପୁରୀରେ ବ୍ରାଉନ ସୁଗାର କାରବାର ବୃଦ୍ଧି ପାଉଥିବା ବେଳେ ଏଥିରେ ରୋକ୍ ଲଗାଇବା ପାଇଁ ପୋଲିସ ପକ୍ଷରୁ ଏକ ଟିମ ଗଠନ କରାଯାଇଥିଲା । ଏହାପରେ ବିଭିନ୍ନ ସ୍ଥାନରେ ଚଢ଼ାଉ କରାଯାଇ ବ୍ରାଉନ ସୁଗାର ବେପାରୀଙ୍କୁ ଗିରଫ କରାଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
