ପୁରୀ: ଶ୍ରୀକ୍ଷେତ୍ରରେ ରାଜ୍ୟପାଳ । ଓଡିଶାର ରାଜ୍ୟପାଳ ପ୍ରଫେସର ଗଣେଶୀ ଲାଲ୍ 4 ଦିନିଆ ପୁରୀ ଗସ୍ତରେ ଆସିଛନ୍ତି । ଆଜି ସେ ପୁରୀସ୍ଥିତ ରାଜଭବନରେ ପହଞ୍ଚି ଥିବାବେଳେ ପୁରୀ ଜିଲ୍ଲାପାଳ ଓ ଏସପି ତାଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ ଜଣାଇଛନ୍ତି । ପରେ ରାଜ୍ୟପାଳ ଶ୍ରୀମନ୍ଦିର ଯାଇ ମହାପ୍ରଭୁଙ୍କୁ ଦର୍ଶନ କରିଛନ୍ତି ।
ଦର୍ଶନ ପରେ ରାଜ୍ୟପାଳ ଗଣେଶୀ ଲାଲ୍ ଉତ୍ତର ଦ୍ବାର ଦେଇ ସର୍ବସାଧାରଣ ଭକ୍ତଙ୍କ ଭଳି ପ୍ରସ୍ଥାନ କରିଛନ୍ତି । ତାଙ୍କୁ ସୁରକ୍ଷା ଦୃଷ୍ଟିରେ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଥିଲା । ଶନିବାର ରାଜ୍ୟପାଳ ସୁଦର୍ଶନ ସାହୁଙ୍କ ଆର୍ଟ ଆଣ୍ଡ କ୍ରାଫ୍ଟ ପରିଦର୍ଶନରେ ଯିବାକୁ କାର୍ଯ୍ୟକ୍ରମ ରହିଥିବା ଜଣାପଡିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
