ପୁରୀ: ଛେରା ପହଁରା ନୀତିରେ 50 ବର୍ଷ ପୂରଣ କଲେ ଗଜପତି ମହାରାଜା । ଦୀର୍ଘ 50 ବର୍ଷ ଧରି ରଥ ଉପରେ ଛେରା ପହଁରା କରି ଗଜପତି ମହାରାଜା ଦିବ୍ୟସିଂହ ଦେବ ଚଳିତ ବର୍ଷ ବିରଳ ରେକର୍ଡ କରିଛନ୍ତି । 1971 ମସିହାରୁ ଛେରା ପହଁରା କରି ଆସୁଛନ୍ତି ଗଜପତି । କେବଳ ୧୯୭୬ରେ ସେ ଛେରାପହଁରା କରିପାରି ନଥିଲେ ।
ସୂଚନା ଅନୁଯାୟୀ, 1970 ମସିହା ଜୁଲାଇ 7 ତାରିଖରେ ମାତ୍ର 17 ବର୍ଷ ବୟସରେ ଦିବ୍ୟସିଂହ ଦେବ ଗଜପତି ପଦବୀ ପାଇଥିଲେ । 1970 ମସିହାରେ ଗଜପତି ବୀରକିଶୋର ଦେବଙ୍କ ମୃତ୍ୟୁ ପରେ ସେ ଗଜପତି ପଦବୀରେ ଅଧିଷ୍ଠିତ ହୋଇଥିଲେ । ତେବେ ଗଜପତି ଦିବ୍ୟସିଂହ ଦେବ 1976 ଉଚ୍ଚ ଶିକ୍ଷା ପାଇଁ ବିଦେଶରେ ଥିବାରୁ ସେହିପରି ବର୍ଷ ରଥଯାତ୍ରାରେ ରଥ ଉପରେ ଛେରା ପହଁରା କରି ପାରିନଥିଲେ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
