ଭୁବନେଶ୍ବର: ଛାତ୍ରଛାତ୍ରୀ ଉନ୍ନତ ଜ୍ଞାନ କୌଶଳ ସହ ଶିକ୍ଷା ଦେବା ପାଇଁ ନିଆରା ପ୍ରୟାସ ଆରମ୍ଭ କରିଛି ଫିଡ୍ ବ୍ୟାକ ଏନର୍ଜି ଡିଷ୍ଟ୍ରିବ୍ୟୁସନ କମ୍ପାନୀ( ଫେଡକୋ) । ଯାହାର ପ୍ରଭାବରେ ପାଠପଢା ପ୍ରତି ବଢିଛି ଛାତ୍ରଛାତ୍ରୀଙ୍କ ଆଗ୍ରହ । ସ୍ମାର୍ଟ ଶିକ୍ଷା ଅଭିଯାନରେ ଛାତ୍ରଛାତ୍ରୀଙ୍କୁ ଚିରାଚରିତ ଢଙ୍ଗ ସହ ଡିଜିଟାଲ ପଦ୍ଧତିରେ ପାଠ ପଢାଯାଉଛି ।
ଫଳରେ ପୁରୀ ସତ୍ୟବାଦୀ ବ୍ଲକରେ ସୁଆଣ୍ଡୋ ଗାଁରେ ଥିବା ଏକ ସରକାରୀ ବିଦ୍ୟାଳୟ ଆଦର୍ଶ ବିଦ୍ୟାଳୟରେ ପରିଣତ ହୋଇପାରିଛି । ଛାତ୍ରଛାତ୍ରୀଙ୍କୁ ଉନ୍ନତ ଜ୍ଞାନ କୌଶଳରେ ପାଠ ପଢାଯିବା ସହ ହସ୍ତକଳା, ଖେଳ କୁଦ ସମ୍ପର୍କରେ ତାଲିମ ଦିଆଯାଉଛି । ଫେଡକୋ କରିଥିବା ଏହି ଉଦ୍ୟମ ଫଳରେ ଆଉ ଅଧାରୁ ପାଠ ଛାଡୁ ନାହାନ୍ତି ପିଲାମାନେ । ବର୍ତ୍ତମାନ ସ୍କୁଲରେ ଶତ ପ୍ରତିଶତ ଉପସ୍ଥାପନ ହେବା ଛାତ୍ରଛାତ୍ରୀଙ୍କ ମଧ୍ୟରେ ସାମାଜିକ ମୂଲ୍ୟବୋଧ ବଢିବାରେ ଲାଗିଛି । ଫେଡକୋର ଏହି ପ୍ରୟାସକୁ ସ୍ଥାନୀୟ ଲୋକେ ପ୍ରଶଂସା କରିଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
