ବେଆଇନ ମଦ ବିକ୍ରି ବେଳେ ଚଢାଉ, ଜଣେ ଗିରଫ

ପୁରୀ ଅବକାରୀ ବିଭାଗ ପକ୍ଷରୁ ଛଇତନା ଅଞ୍ଚଳରେ ବେଆଇନ ମଦ ବିକ୍ରି ବେଳେ ଚଢାଉ । ଜଣେ ଗିରଫ । ଅଧିକ ପଢନ୍ତୁ...

ପୁରୀ: ସହରରେ ଦିନକୁ ଦିନ ବୃଦ୍ଧି ପାଉଛି ନିଶା କାରବାର ମାମଲା । ଆଜି ପୁରୀ ସଦର ଅନ୍ତର୍ଗତ ଛଇତନା ଅଞ୍ଚଳରେ ଅବକାରୀ ବିଭାଗ ଚଢାଉ କରିଛି । ଘଟଣାରେ କବିରାଜପୁରର ହେମନ୍ତ ନାୟକଙ୍କୁ ଗିରଫ କରାଯାଇଛି । ଅଭିଯୁକ୍ତ ନିକଟରୁ ୩୭୮ ବୋତଲ ମଦ, ୧୩୧ କେନ ବିୟର ଓ ୧୦୩ ବୋତଲ ଆସ୍କା ଫୋଟି ଜବତ କରାଯାଇଛି ।

ସୂଚନାଯୋଗ୍ୟ, ଛଇତନା ଅଞ୍ଚଳରେ ବେଆଇନ ମଦ ବିକ୍ରି ନେଇ ଖବର ମିଳିବା ପରେ ଅବକାରୀ ସୁପରିଟେଣ୍ଡେଣ୍ଟଙ୍କ ନିର୍ଦ୍ଦେଶ କ୍ରମେ ଅବକାରୀ ବିଭାଗ ପକ୍ଷରୁ ଏହି ଚଢାଉ କରାଯାଇଥିଲା । ତେବେ ଗିରଫ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ଜଣାପଡିଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ