ପୁରୀ: ଆସୁଛି ନୂଆବର୍ଷ । ପୁରୀରେ ଲାଗିବ ଭକ୍ତଙ୍କ ଭିଡ । ଏଥିଲାଗି ଡିସେମ୍ବର 25 ତାରିଖ ଭିତରେ ସିଂହଦ୍ବାର ସମ୍ମୁଖରୁ ସମସ୍ତ ଉଚ୍ଛେଦ ପ୍ରକ୍ରିୟା ଶେଷ କରିବାକୁ ଜିଲ୍ଲା ପ୍ରଶାସନ ଲକ୍ଷ୍ୟ ରଖିଛି ।
ଡିସେମ୍ବର 25 ସୁଧା ଶ୍ରୀମନ୍ଦିର ସାମ୍ନାରୁ ସରିବ ଉଚ୍ଛେଦ
ଏହାସହ ଭକ୍ତଙ୍କ ଭିଡକୁ ଲକ୍ଷ୍ୟ କରି ପ୍ରଶାସନ ପ୍ରସ୍ତୁତ ହେଉଥିବାବେଳେ କିଭଳି ଭକ୍ତମାନେ ଶୃଙ୍ଖଳାରେ ଶ୍ରୀମନ୍ଦିର ଯାଇ ପାରିବେ ସେନେଇ ଅନେକ କାମ ହାତକୁ ନେଇଛି । ଭଙ୍ଗା ଯାଇଥିବା ମଠ ଗୁଡିକର ଭଗ୍ନାବଶେଷ ସ୍ଥାନାନ୍ତର କରାଯାଉଛି ।
ପାନୀୟ ଜଳ ଠାରୁ ଆରମ୍ଭ କରି ଶୌଚାଳୟ ପର୍ଯ୍ୟନ୍ତ ସବୁ କିଛିର ବ୍ୟବସ୍ଥା କରାଯିବ ବୋଲି ଜଣାପଡିଛି । ସେପଟେ ସାନ ଛତା ମଠ ପରେ ରାଧା ବଲ୍ଲବ ମଠ ଭଙ୍ଗାଯିବା ନେଇ ପ୍ରସ୍ତୁତି ସରିଛି । ଏହା ସହିତ ଆହୁରି 20 ଟି ଲଜ ଓ ମଠ ଭଙ୍ଗା ଯିବା ବୋଲି ସୂଚନା ମିଳିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
