ପୁରୀ: ପୁରୀ ସରକାରୀ ମହିଳା ମହାବିଦ୍ୟାଳୟରେ କୋଭିଡ କେୟାର ସେଣ୍ଟର ଉଦଘାଟିତ । ଏହି କୋଭିଡ କେୟାର ସେଣ୍ଟରରେ ରହିଛି ୧୨୦ ଶଯ୍ୟା । ଆଜି(ବୁଧବାର) ସରକାରୀ ମହିଳା ମହାବିଦ୍ୟାଳୟର ଏହି କୋଭିଡ କେୟାର ସେଣ୍ଟରକୁ ଉଦଘାଟନ କରିଛନ୍ତି ପୁରୀ ଜିଲ୍ଲାପାଳ ସମର୍ଥ ବର୍ମା । ଖୁବ୍ ଶୀଘ୍ର ଏହି କୋଭିଡ କେୟାର ସେଣ୍ଟରରେ ସଂକ୍ରମିତଙ୍କୁ ଚିକିତ୍ସା ଯୋଗାଇ ଦିଆଯିବ ।
120 ଶଯ୍ୟା ବିଶିଷ୍ଟ କୋଭିଡ କେୟାର ସେଣ୍ଟର ଉଦଘାଟନ
କେବଳ ଏତିକି ନୁହେଁ ଅକ୍ସିଜେନ ପାଇପଲାଇନ ମାଧ୍ୟମରେ ଏହି କୋଭିଡ କେୟାର ସେଣ୍ଟର ଶଯ୍ୟା ଗୁଡିକୁ ମଧ୍ୟ ଅକ୍ସିଜେନ ଯୋଗାଣର ବ୍ୟବସ୍ଥା ହୋଇଛି । ଏହି କୋଭିଡ କେୟାର ସେଣ୍ଟରରେ ୪ ଜଣ ଡାକ୍ତର, ୬ ଜଣ ଫାର୍ମାସିଷ୍ଟ ନିୟୋଜିତ ହୋଇଛନ୍ତି । ୨ଟି ଆମ୍ବୁଲାନ୍ସ ମଧ୍ୟ ରଖାଯାଇଛି । ଗୁରୁତର ରୋଗୀଙ୍କୁ ସ୍ଥାନାନ୍ତର କରାଯାଇପାରିବ ।
ଉଦଘାଟନୀ ଉତ୍ସବରେ ସିଡ଼ିଏମଓ ଡାକ୍ତର ସୁଜାତା ମିଶ୍ର ଉପସ୍ଥିତ ଥିଲେ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
