ପୁରୀ: ସେନା ଉପମୁଖ୍ୟ ଭାବେ ନିଯୁକ୍ତି ପାଇବା ପୁରୀ ଗସ୍ତରେ ଆସି ମହାପ୍ରଭୁ ଶ୍ରୀଜଗନ୍ନାଥଙ୍କ ଠାରୁ ଆର୍ଶୀବାଦ ନେଇଛନ୍ତି ଚଣ୍ଡୀ ପ୍ରସାଦ ମହାନ୍ତି। ମଙ୍ଗଳବାର ସେନା ଉପମୁଖ୍ୟ ଲେଫ୍ଟନାଣ୍ଟ ଜେନେରାଲ ଚଣ୍ଡୀ ପ୍ରସାଦ ଦୁଇ ଦିନିଆ ଓଡିଶା ଗସ୍ତରେ ଆସିଛନ୍ତି । ଏହି ଅବସରରେ ସେ ପୁରୀ ଯାଇ ଶ୍ରୀମନ୍ଦିରରେ ଶ୍ରୀଜିଉଙ୍କ ଦର୍ଶନ କରିଥିଲେ । ହାତରେ କୋଭିଡ ନେଗେଟିଭ ରିପୋର୍ଟ ଧରି କିଓସ୍କରେ ଫଟୋଗ୍ରାଫି କରି ସାଧାରଣ ଭକ୍ତଙ୍କ ପରି ପରିବାର ସହ ପ୍ରୋଟକଲରେ ଶ୍ରୀମନ୍ଦିରରେ ପ୍ରବେଶ କରିଥିଲେ । ଶ୍ରୀମନ୍ଦିର ପ୍ରଶାସନ ପକ୍ଷରୁ ତାଙ୍କୁ ସ୍ବାଗତ କରାଯିବା ସହ ପାଛୋଟି ନେଇଥିଲେ ।
ଶ୍ରୀମନ୍ଦିରରେ ରତ୍ନବେଦୀରେ ଶ୍ରୀଜିଉଙ୍କ ଦର୍ଶନ କରି ଆଶିଷ ନେଇଛନ୍ତି ଚଣ୍ଡି । ପରେ ଭିତର ବେଢା ପରିକ୍ରମା କରିବା ସହ ବିଭିନ୍ନ ପାର୍ଶ୍ବ ଦେବାଦେବୀ ମନ୍ଦିର ଦର୍ଶନ କରିଥିଲେ । କାର୍ଯ୍ୟଭାର ଗ୍ରହଣ କରିବା ପୂର୍ବରୁ ମହାପ୍ରଭୁଙ୍କ ଆର୍ଶୀବାଦ ନେଲେ ବୋଲି ସେନା ଉପମୁଖ୍ୟ କହିଛନ୍ତି । ସେନା ଉପମୁଖ୍ୟଙ୍କ ଗସ୍ତ ସମୟରେ କ୍ରାଇମବ୍ରାଞ୍ଚ ଏଡିଜି ସୌମିନ୍ଦ୍ର ପ୍ରିୟଦର୍ଶୀ, ଏସପି, ପୁରୀ ଏସପି କନୱର ବିଶାଲ ସିଂ ଏବଂ ଶ୍ରୀମନ୍ଦିର ପ୍ରଶାସନିକ ଅଧିକାରୀମାନେ ଉପସ୍ଥିତି ଥିଲେ ।
ଏହି ଦୁଇ ଦିନିଆ ଓଡିଶା ଗସ୍ତରେ ସେନା ଉପମୁଖ୍ୟ 120 ବାଟାଲିୟନ କ୍ୟାମ୍ପସ କରିବେ ପରିଦର୍ଶନ । ବ୍ରହ୍ମପୁର ଗୋଳାବନ୍ଧସ୍ଥିତ ଆର୍ମି ଏୟାର ଡିଫେନ୍ସ କଲେଜର ବିଭିନ୍ନ କାର୍ଯ୍ୟକ୍ରମରେ ହେବେ ସାମିଲ । ନିକଟରେ ଭାରତୀୟ ସେନାର ଉପମୁଖ୍ୟ ପଦକୁ ପଦୋନ୍ନତି ହୋଇଛନ୍ତି ଲେଫ୍ଟନାଣ୍ଟ ଜେନେରାଲ ମହାନ୍ତି । ଆସନ୍ତା 31ରେ ଭାରତୀୟ ସେନାରେ ଆର୍ମି ଉପମୁଖ୍ୟ ଭାବେ ଦାୟିତ୍ବ ଗ୍ରହଣ କରିବେ । ସେ ପ୍ରଥମ ଓଡିଆ ଭାବେ ଆର୍ମିର ଉଚ୍ଚପଦବୀରେ ଯୋଗେ ଦେବେ । ଏହି ସମୟରେ ସେ ମୁଖ୍ୟମନ୍ତ୍ରୀ ଓ ରାଜ୍ୟପାଳଙ୍କୁ ମଧ୍ୟ ଭେଟିବାର କାର୍ଯ୍ୟକ୍ରମ ରହିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ
