ପୁରୀ : ରାଜ୍ୟରେ ଦିନକୁ ଦିନ ବଢୁଛି ନିଶା କାରବାର । ପିପିଲିରୁ ୨୫ ଲକ୍ଷ ଟଙ୍କାର ବ୍ରାଉନସୁଗାର ଜବତ କରାଯାଇଥିବାବେଳେ ଜଣଙ୍କୁ ଗିରଫ କରିଛି ପୋଲିସ । ଗିରଫ ହୋଇଥିବା ବ୍ୟକ୍ତି ଜଣକ ପିପିଲି ଦେବୀ ଗଳିର ଜଗବନ୍ଧୁ ବୈଠାରୁ ବୋଲି ଜଣାପଡିଛି । ଏହାସହ ଅଧିକ ତଦନ୍ତ ଜାରି ରଖିଛି । ସୂଚନା ଅନୁସାରେ, ପିପିଲିରେ ବ୍ରାଉନସୁଗାର କାରବାର ନେଇ ପୋଲିସକୁ ଖବର ମିଳିଥିଲା ।
ପିପିଲିରୁ 25 ଲକ୍ଷ ଟଙ୍କାର ବ୍ରାଉନସୁଗାର ଜବତ, ଜଣେ ଗିରଫ
ଆଜି(ଶନିବାର) ବିଶେଷ ସୁତ୍ରରୁ ଖବର ପାଇ ପିପିଲି SDPO ଦେବଦତ୍ତ ବରାଳଙ୍କ ନେତୃତ୍ୱରେ ପିପିଲି IIC ଅଭିମନ୍ୟୁ ନାୟକ ଦେବୀ ଗଳିରେ ଚଢ଼ାଉ କରିଥିଲେ । ଅଭିଯୁକ୍ତ ଠାରୁ 255 ଗ୍ରାମର ବ୍ରାଉନସୁଗାର ସହ ନଗଦ 5000 ହଜାର ଟଙ୍କା ଜବତ କରିଥିଲା ପୋଲିସ । ପରେ ଜଗବନ୍ଧୁକୁ ଗିରଫ କରି କୋର୍ଟ ଚାଲାଣ କରାଯାଇଛି । ଏ ସମ୍ବନ୍ଧରେ ଜିଲ୍ଲା ଅତିରିକ୍ତ ଆରକ୍ଷୀ ଅଧିକ୍ଷକ ପୂର୍ଣ୍ଣଚନ୍ଦ୍ର ପ୍ରଧାନ ପିପିଲି ଥାନା ପରିସରରେ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
