ପୁରୀ: ପୁଣି ଚଳଚଞ୍ଚଳ ହୋଇଛି ଶ୍ରୀକ୍ଷେତ୍ର ଧାମ ପୁରୀ । ଶ୍ରୀମନ୍ଦିରକୁ ସର୍ବସାଧାରଣ ଦର୍ଶନ ଅନୁମତିରେ ପୁରୀକୁ ଛୁଟୁଛନ୍ତି ପର୍ଯ୍ୟଟକ । ଫଳରେ ସହରରେ କିଭଳି ପାଟ୍ରୋଲିଂ ବ୍ୟବସ୍ଥା ଜୋରଦାର ହୋଇପାରିବ ସେନେଇ ପୁରୀ ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି ।
ପୁରୀ ପୋଲିସରେ ସାମିଲ ହେଲା 3 ନୂଆ ପିସିଆର ଗାଡି
ପୁରୁଣା ପିସିଆର ଗାଡିକୁ ମରାମତି କରାଯାଇ ଥିବାବେଳେ ଆଉ 3 ଟି ନୂଆ ପିସିଆର ଗାଡି ପୁରୀ ପୋଲିସରେ ସାମିଲ କରାଯାଇଛି। ଏଥି ସହିତ ପିସିଆର ଗାଡି କିଭଳି ତ୍ବରିତ ବେଗରେ ଘଟଣାସ୍ଥଳରେ ପହଞ୍ଚିବ ଏବଂ ପିସିଆର ଗାଡି ଷ୍ଟାଫଙ୍କ ବ୍ୟବହାର କିଭଳି ଜନସାଧାରଣଙ୍କ ପାଇଁ ଉତ୍ତମ ରହିବ ସେ ନେଇ ତାଲିମ ଦିଆଯାଇଛି।
ଗୁଣ୍ଡିଚା ମନ୍ଦିର ନିକଟରେ ନୂଆ 9 ଟି ପିସିଆର ଗାଡିକୁ ଲୋକାର୍ପଣ କରାଯାଇ ଲୋକଙ୍କ ସେବା ଉଦ୍ଦେଶ୍ୟରେ ଆରମ୍ଭ କରାଯାଇଛି। ଏହି କାର୍ଯ୍ୟକ୍ରମରେ ପୁରୀ ପୋଲିସର ବରିଷ୍ଠ ଅଧିକାରୀ ସାମିଲ ହୋଇଥିଲେ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
